कास्की । सहकारीको बचत रकम अपचलन मुद्दामा प्रहरी थुनामा रहेका राष्ट्रिय स्वतन्त्र पार्टी (रास्वपा) सभापति रवि लामिछाने  अदालतले छोड्न आदेश दिएको छ । 

पोखराको सूर्यदर्शन सहकारीको बचत रकम अपचलन मुद्दामा प्रहरी  हिरासतमा रहेका लामिछानेलाई कास्की जिल्ला अदालतले ६५ लाख रुपैयाँ घरौटीमा छाड्न आदेश दिएको हो ।  

कास्की जिल्ला अदालतका न्यायाधीश नीतिज राईको इजलासले उनलाई धरौटीमा छाड्न आदेश दिएको हो । जिल्ला अदालतले धरौटी मागे पनि उनी रिहा हुने अवस्था छैन । काठमाडौं जिल्ला अदालतमा जाहेर भएको स्वर्णलक्ष्मी सहकारीको अपचलन मुद्दामा पेश गर्नका लागि उनलाई प्रहरीले काठमाडौँ ल्याउनेछ ।

पूर्व उपप्रधानमन्त्री तथा गृहमन्त्री समेत रहेका लामिछाने लगायत ६३ जनाविरुद्ध सरकारी वकिल कार्यालय कास्कीले एक अर्ब ५१ करोड बिगो माग दावीसहित ५ पुसमा थप र ७ पुसमा पुरक अभियोजनपत्र जिल्ला अदालतमा दर्ता गराएको थियो ।

लामिछानेविरुद्ध सहकारी ठगी, सम्पत्ति शुद्धीकरण र संगठित अपरोधको अभियोगमा मुद्दा दायर भएको छ । त्यही मुद्दामा लामो बहसपछि आज थुनछेक आदेश आएको हो ।