चितवन। भरतपुर भ्रमण वर्ष स्थगित भएको छ । भरतपुर महानगरपालिकाले सन् २०२४ मा गर्ने भनिएको भरतपुर भ्रमण वर्ष अन्तिम समयमा आएर तयारी नपुगेको भन्दै स्थगित गरिएको हो । 

महानगरपालिकाको शुक्रबारको कार्यपालिका बैठकले भ्रमण वर्ष स्थगित गर्ने निर्णय गरेको छ । महानगरपालिकाले तयारी नपुगेको, मुख्य सडकको पूर्वाधार निर्माणको काम नसकिएकोले हाललाई भ्रमण वर्ष स्थगित गर्नुपरेको जनाएको छ । 

नारायणगढ गोन्द्राग सडकखण्ड विस्तारको काम नसकिएको, मुग्लिन नारायणणढ सडकखण्ड पनि दिउँसो ४ घण्टा बन्द गर्ने तयारी गरिएको तथा महानगरकै पनि आफ्नो तयारी पूरा नभएकोले भ्रमण वर्ष हाललाई स्थगित गरिएको महानगरपालिकाले उल्लेख गरेको छ । 

महानगरपालिकाले  यसअघि पुस १४ गते अर्थात जनवरी १ तारिकको दिनमा भ्रमण वर्षको शुभारम्भ गर्ने तयारी गरेको थियो । नारायणी नदी किनारमा प्रधानमन्त्रीबाट भ्रमण वर्षको शुभारम्भ  गर्ने निर्णय गरिएको थियो ।