विचार

कैलाश–मानसरोवरसम्मको अविस्मरणीय यात्रा

– मधु लम्साल
हिन्दू धार्मिक ग्रन्थ ९चर्चित पुराण० ‘श्रीस्वस्थानी’ व्रतकथामा हिमालय पर्वत कैलाश र मानसरोवर बारे विभिन्न सन्दर्भमा रोमान्चक कथा सामग्री प्रस्तुत गरिएको पाइन्छ । धार्मिक ग्रन्थ अनुसार हिन्दू धर्मालवम्बीका आराध्यदेव भगवान् महादेव र देवी पार्वती, पुत्रहरू श्रीगणेश–कार्तिकेयको बासस्थानका रूपमा कैलाश पर्वतलाई लिइएको छ । क्षण–क्षणमा आश्चर्यजनक एवम् अनौंठो स्वरुपमा परिवर्तन भइरहने, उत्तिनैखेर बादलुको घुम्टोमै हराइदिने कैलाश पर्वत चर्चामा छाउनु नौंलो रहेन । देख्दा लाग्छ, समुद्र सतहदेखि ६ हजार ७ सय  १४  मिटर अग्लो विशाल सिंगो कैलाश पर्वत एउटै अनौठो शक्तिशाली चट्टानमा बिराजमान छ । दार्चेनबाट जुथुलपुग नपुग्दासम्म आफ्नो शरिरमा आएको असहजता बारे आफ्नो समूहका सदस्यलाई शेयर गर्ने गरौं, असजिलो मान्दै नमानौं । त्यही सानो गल्तीले ठूलो अनी गम्भीर समस्या उत्पन्न गराउन सक्छ, तत्काल ज्यानै पनि जान सक्छ ।