लमजुङ ।  लमजुङमा यसवर्ष धान उत्पादन बढेको छ । 

केन्द्रका कृषि प्रसार अधिकृत सरोज थापाका अनुसार चालु आर्थिक वर्षमा ९ हजार ३ सय एक हेक्टरमा धानखेती गरिएकामा ३१ हजार एक सय ५८ मेट्रिकटन धान उत्पादन भएको छ । जबकी गत आवमा सोही क्षेत्रफलमा २८ हजार छ सय ४७ मेट्रिटन धान उत्पादन भएको थियो । गत आवको तुलनामा चालु आवमा दुई हजार पाँचसय ११ मेट्रिकटन धान बढी उत्पादन भएको हो ।

केन्द्रका अनुसार आव २०७९ र ८० मा ३० हजार नौसय ८६ मेट्रिकटन, आव २०७८ र ७९ मा ३० हजार छसय ९८ मेट्रिकटन, आव २०७७ र ७८ मा ४४ हजार चारसय २५ मेट्रिकटन, आव २०७६ र ७७ मा ४४ हजार एकसय ५५ मेट्रिकटन, आव २०७५ र ७६ मा ४४ हजार पाँचसय ४५ मेट्रिकटन आव २०७४ र ७५ मा ४३ हजार आठसय ३० मेट्रिकटन धान उत्पादन भएको थियो । 

जिल्लामा साबित्री, रामधान, सुक्खा–१, सुक्खा–२, सुक्खा–३, लोकतन्त्र, सुनौलो सुगन्ध जस्ता जातका धानखेती हुँदै आएको छ ।