काठमाडौँ । ज्यान मुद्दामा अदालतबाट सफाइ पाएसँगै सांसद पदको निलम्बनबाट फुकुवा भएका एमाले सांसद लक्ष्मी महतो कोइरीले पार्टी अध्यक्ष केपी शर्मा ओलीलाई भेट्नु भएको छ । 

आज सोमबार बिहान ओली निवास बालकोट पुगेर सांसद कोइरीले अध्यक्ष ओलीसंग भोटघाट गर्नुभएको हो । सांसद कोइरीलाई पार्टी अध्यक्ष ओलीको स्वागत गर्नुभएको थियो । 

कोइरीमाथि मधेश आन्दोलनका क्रममा सशस्त्र प्रहरीका असई थमन विकको हत्या गरेको आरोप लागेको थियो । अदालतमा मुद्दा चालिरहेको समयमै उहाँ महोत्तरी–१ बाट नेकपा एमालेको तर्फबाट निर्वाचित हुनु भएको थियो् । निर्वाचित भएर सांसदको शपथ लिए पनि पछि सदनमा प्रश्‍न उठेपछि उनको सांसद पद निलम्बन भएको थियो।

मंसिर २८ गते जिल्ला अदालत महोत्तरीले उहाँलाई ज्यान मुद्दामा सफाइ दियो । अदालतबाट सफाइ पाएसँगै कोईरीले संसद्‌ सचिवालयमा आफ्नो निलम्बन फुकुवा गर्न निवेदन दिनुभयो । उक्त निवेदन र अदालतको पत्रका आधारमा सांसद कोइरीलाई संसद् सचिवालयले आइतबार निलम्बन फुकुवा गरेको थियो ।