काठमाडौँ । त्रिभुवन विमानस्थल भन्सार कार्यालयको छानविन समितिले गोरखाका मीनबहादुर घलेसहितको समूहले १३८ किलो सुन तस्करी गरेको ठहर गरेको छ । 

गएको मंसिर २२ गते दुबईबाट काठमाडौँ आएका गोरखाका चन्द्र घले १४ किलो सुनसहित पक्राउ परेका थिए । त्यो प्रकरणमा पछि मिनबहादुर पनि पक्राउ परेका थिए । त्यो छानविनको क्रममा समितिले घले समूहले १ सय ३८ किलो सुन तस्करी गरेको निष्कर्ष निकालेको हो ।   मीनबहादुरले दुबईमा रहेका अंकित अग्रवाल नाम गरेका व्यक्तिसँग सम्पर्क गरी नेपालमा सुन तस्करीको चाँजोपाँजो मिलाएको पाइएको समितिले जनाएको छ । 

समितिले अनुसन्धानको क्रममा फेला पारेको तथ्य अनुसार मीनबहादुर र चन्द्रका साथै कृष्णकुमार श्रेष्ठले दुबईबाट सुन लिएर आउने गरेका थिए । एयरपोर्टमा सेटिङ मिलाउन भने डीबी भन्ने दनबहादुर गुरुङलाई प्रयोग गरेको पाइएको छ । विमानस्थलबाट सुन निकाल्न नागरिक उड्ययन कार्यालय, गौचरका एसी मेकानिक राधाकृष्ण श्रेष्ठ, कार्यालय सहयोगी लेकबहादुर तामाङ, करारका पूर्व कर्मचारी रमेश देउला, एसी शाखामा काम गर्ने कार्यालय सहयोगी अनिल श्रेष्ठ र प्लम्बर शेरबहादुर बस्नेतले भूमिका खेलेको समितिको निष्कर्ष छ ।

एयरपोर्टबाट कटाएको सुन रमेश, राधाकृष्ण र अनिलले काठमाडौंको टोखा नगरपालिका, बानियाटारसिथतर सूर्यदर्शन हाइटमा रहेको डीबी गुरुङको घरमा पु¥याउने गरेको पाइएको समितिको ठहर छ । समितिका अन्ुसार त्यो सुन मिनबहादुर र उनका साथी जाने भन्ने जीवन गुरुङले अंकितले भनेको स्थानमा पु¥याउने गरेको खुलेको छ ।