पोखरा । राष्ट्रिय स्वतन्त्र पार्टीका सभापति रवि लामिछाने माथि पोखरामा मकैको खोयाले प्रहार भएको छ । पोखराको अमरसिंहचौरस्थित खेल मैदानमा पार्टीको आमसभालाई सम्बोधन गरिरहेको समयमा लामिछानेमाथि एक युवकले मकैको खोया प्रहार गरेका थिए । 

रवि लामिछाने बोल्दै गर्दा अगाडीबाट ती मकैको खोयाले प्रहार गरेको कार्यक्रममा सहभागीहरुले बताएका छन् । 

रवि लामिछानेलाई प्रहार गर्ने व्यक्तिलाई प्रहरीले पक्राउ गरिसकेको छ । प्रहरीले भने मकै खाँदै गरेका युवकले खोया फाल्ने क्रममा झुक्किएर स्टेजतिर गएको हुनसक्ने अनुमान गरेको छ । कास्की प्रहरी प्रमुख एसपी मोहनबहादुर थापाले खोया प्रहार गर्ने लमजुङका २८ वर्षीय सन्तोष रानाभाटलाई नियन्त्रणमा लिएको बताउनु भयो ।  

रवि लामिछाने माथि प्रहार भएपछि रास्वपाका कार्यकर्ताले रानाभाट माथि आक्रमण गरेका थिए । कार्यकर्ताको आक्रमणबाट बचाउन उनलाई प्रहरीले तत्कालै नियन्त्रणमा लिएको थियो ।