तनहुँ ।  देवघाट गाउँपालिका–५ स्थित घिनटार–टाउनचोक–देवपुर सडक कालोपत्र शुरु भएको छ । लामो समयदेखि रोकिएको कालोपत्रको काम गत शनिबारदेखि पुनः शुरु भएको हो । 

निर्माण सम्पन्न गर्ने अवधि सकिएको लामो समयपछि कालोपत्र शुरु गरिएको देवघाट गाउँपालिकाका इञ्जिनीयर तीर्थ ढुङ्गानाले जानकारी दिनुभयो । काम छाडेर निर्माण व्यवसायी सम्पर्कमा नआएपछि गाउँपालिकाले समयमै सम्पन्न गर्न ताकेता गरेको थियो ।

सडक स्तरोन्नति तथा कालोपत्र गर्न जिएमआर कन्ट्रक्सन प्रालि चितवनले विसं २०७९ पुस १७ गते ठेक्का सम्झौता गरेको थियो । प्रदेश सरकार र गाउँपालिकाको साझेदारीमा  योजनाका लागि बजेट विनियोजन भएको थियो ।

एक हजार पाँच सय सय मिटर लम्बाइ र नालीसहित ११ मिटर चौडाइकोसडक विसं २०८० पुस २१ गते सम्म सम्पन्न गर्ने गरी भ्याटसहित ३ करोड ७१ लाख ११ हजार २ सय २५ रुपैयाँमा ठेक्का लागेको थियो ।