नेपालकैरन
काठमाडौँ । काठमाडौँको गोकर्णेश्वरस्थित महिलाको हत्यामा सङ्लग्न भएको आरोपमा प्रहरीले एक नाबालकसहित ५ जनालाई पक्राउ गरेको छ ।
जिल्ला प्रहरी परिसर, काठमाडौँका सूचना अधिकारी प्रहरी उपरीक्षक अपिलराज बोहराका अनुसार पक्राउ पर्नेमा सर्लाही बागमती ढुङ्गेखोलाका कैलाश खड्का, मकवानपुर हेटौँडा शिखरपानीका सुरेश तामाङ, नुवाकोट मेघाङका रोशन तामाङ, सिन्धुपाल्चोक तिपिनेका पुजा परियार र एक नाबालक रहेका छन् ।
काठमाडौँ गोकर्णेश्वर नगरपालिका–७ नामी कलेज नजिक बागमती खोलाको बीच भागमा बोराभित्र पानीमा डुबेको अवस्थामा अन्दाजी वर्ष ३०÷३५ की महिला फागुन २४ गते बिहान ११।५० बजे मृत फेला परेकी थिइन् । प्रहरी वृत्त बौद्धबाट प्रहरी टोली खटिई गएको टोलीले शव पोष्टमार्टमका लागि त्रिवि शिक्षण अस्पताल महाराजगञ्ज पठाएको थियो ।
प्रारम्भिक अनुसन्धानका क्रममा उनको हत्यामा ती व्यक्तिको सङ्लग्नता खुल्न आएकोले उपत्यका स्थित विभिन्न स्थानबाट उनलाई जिल्ला प्रहरी परिसर काठमाडौँसमेतको प्रहरी टोलीले पक्राउ गरेको थियो ।
आरोपीलाई काठमाडौँ जिल्ला अदालतबाट ६ दिनको म्याद थप गरी अनुसन्धान शुरु गरेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- बागलुङमा वडा अध्यक्ष मृत भेटिए
- संघीयता खारेजीको मागसहित जनमोर्चाको आन्दोलन जारी
- काठमाडौँमा पानी पर्यो
- घरमै खाजा खाँदैगर्दा चट्याङ लागेर मृत्यु
- पाणिनिको जन्मभूमि अर्घाखाँची ज्ञान, ध्यान र देवभूमि : प्रधानमन्त्री
- भारतीयलाई नागरिकता सिफारिस नदिँदा पर्सामा वडा कार्यालय तोडफोड
- एकीकृत समाजवादीद्वारा आन्दोलनका कार्यक्रम र कार्यतालिका संशोधन
- आज ८ औँ दिन पनि शिक्षकहरूको प्रदर्शन जारी
- लामिछानेमाथि प्रहरीले ज्यादती गरे भन्दै रास्वपाले गुहार्यो मानवअधिकार आयोग
- आर्थिक वृद्धिदर ४.४ प्रतिशत रहने