काठमाडौँ । चीनको राष्ट्रपति र रूसका प्रधानमन्त्रीबीच भेटवार्ता भएको छ । चिनियाँ राष्ट्रपति सी जिङपिङ र   रूसी प्रधानमन्त्री मिखाइल मिशुस्टिनबीच बुधबार बेइजिङमा भेटवार्ता भएको हो । 

राष्ट्रपति सीले  यसवर्ष रूसी राष्ट्रपति पुटिनसँग दुई पटक भेटवार्ता भएको  उल्लेख गर्दै  दुई देशका सरकार तथा संसद् राजनीतिक दल र स्थानीय तहवीच विभिन्न व्यापारिक सहयोग भएको बताउनुभएको छ । 

यसवर्षमा चीन तथा रूसबीचको द्धिपक्षीय व्यापार मात्रा दुई सय अर्ब अमेरिकी डलरको लक्ष्य हासिल गरी दुई देशीय सम्बन्ध लाभकारी, लचिलो तथा व्यापक भएको राष्ट्रपति सीको भनाई छ । उहाँले चीन र रूस सम्बन्धलाई कायम राख्दै विकास गर्नु दुबै देशका जनताको हितमा छनोट भएको बताउनुभएको छ । 

चीनले रूसी जनताको रोजाइको विकासको बाटोमा हिड्न सहयोग गरेको बताउदै राष्ट्रपति सीले आगामी वर्ष चीन रूसको कुटनैतिक सम्बन्ध स्थापना भएको ७५ औँ बार्षिकोत्सवलाई नयाँ बिन्दुमा पु¥याउने विश्वास व्यक्त गर्नुभएको छ ।