+

जनकपुर तनावग्रस्त, प्रहरीद्वारा हवाई फायर

धनुषा ।  जनकपुरधाम आज पनि तनावग्रस्त बनेको छ । जनकपुर उपमहानगरपालिका २० देवपुरा रूपैठामा हिन्दू समुदाय र प्रहरीबीच झडप भएपछि तनावग्रस्त स्थिति भएको हो । 


स्थानीय झन्डाचोकमा रहेको टावरलाइट पोलमा मुस्लिम समुदायले लगाएको हरियो झण्डाको विषयमा शनिबार विवाद हुँदा दुई समुदायबीच झगडा भएको थियो । गणेश पूजाको मूर्ति विसर्जन गरी फर्किने क्रममा त्यो झण्डा हटाउन खोज्दा झडप भएको हो ।  दुई पक्षको झडप नियन्त्रणमा प्रहरीले ११ राउण्ड अश्रुग्यास प्रहार गरेको थियो । त्यही  क्रममा दुई जना घाइते भएका थिए । त्यही विवाद लम्बिएर आइतबार पनि तनावग्रस्त स्थिति बनेको हो । 

धनुषाका प्रहरी प्रवक्ता डिएसपी बरुणबहादुर सिंहका अनुसार आइतबार दुवै समुदायका भद्र भलाद्मी र प्रहरी प्रशासन बसेर दुवै समुदायको सहमतिमा त्यो चोकबाट झण्डा हटाउने सहमति भएको थियो । त्यही सहमति अनुसार प्रहरीले मुस्लिम समुदायले लगाएको झण्डा हटाएको र हिन्दू समुदायले लगाएको झन्डा हटाउन खोज्दा फेरि ढुंगामुढा भएको हो ।

डिएसपी .सिंहका अनुसार स्थिति नियन्त्रण गर्न आइतबार पनि केही सेल अश्रुग्यास प्रहार र हवाई फायर गरिएको छ ।
अहिले बजारमा व्यापक मात्रामा प्रहरी परिचालन गरिएको छ ।

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै