नेपालकैरन
काठमाडौँ । नेपाल रेडक्रस सोसाइटीद्वारा मानवीय सेवाकार्यसँग सम्बन्धित खोज र अनुसन्धानमा क्रियाशील पत्रकारका लागि सञ्चालित मानवीय पक्षको रिपोर्टिङसम्बन्धी तीनदिने प्रशिक्षण काभ्रेको बनेपा बुडोलमा सम्पन्न भएको छ ।
पुस ७ गतेदेखि सञ्चालन भएको सो तालिममा वरिष्ठ पत्रकारद्वय जगत नेपाल र लक्ष्मण दत्त पन्त, विज्ञ कृष्ण चालिसे, नेपाल रेडक्रसको मानवीय मूल्य तथा सञ्चार विभागका निर्देशक विपुल न्यौपाने र उपनिर्देशक शिवराम गौतमले सहजीकरण गर्नुभएको थियो ।
उहाँहरूले रेडक्रस अभियान, नेपाल रेडक्रस सोसाइटी इतिहास, साङ्गठनिक संरचना र गतिविधिहरू, अन्तर्राष्ट्रिय मानवीय कानुन, मानवीय मूल्य प्रवर्द्धन, मानवीय कूटनीति, विपद्का समयमा गरिने मानवीय रिपोर्टिङ, आमसञ्चार, जोखिम सञ्चार र आचार संहितालगायत विषयहरूमा सहजीकरण गर्नुभएको थियो । तालिमका क्रममा नेपाल रेडक्रसका अध्यक्ष प्राध्यापक सुदर्शनप्रसाद नेपालले रेडक्रसद्वारा सञ्चालित मानवीय सेवाका गतिविधिका प्रचारप्रसारमा पुर्याइएको सहयोग र योगदानको प्रशंसा गर्दै यस तालिमबाट सहभागीलाई मानवीय गतिविधिको रिपोर्टिङका क्रममा महत्त्वपूर्ण सहयोग पुग्ने अपेक्षा गरिएको बताउनुभयो ।
रेडक्रसका निर्देशक न्यौपानेले रेडक्रसका मानवीय गतिविधिहरूलाई बुझाउने, प्रचारप्रसार गर्ने र यसका कार्यहरूलाई सरकारलगायत अन्य निकायहरूलाई सहमत गराई गतिविधिको पहुँच बढाउने कार्यमा मानवीय कूटनीतिबाट सहयोग पुग्ने बताउनुभयो । तालिममा समाचार समिति, पत्रिका, अनलाइन, टेलिभिजन र एफएम रेडियोका २३ पत्रकारको सहभागिता थियो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- ओली सरकार फेल भइसक्यो, अब चल्दैन : प्रचण्ड
- मुद्रास्फीति छ प्रतिशत नाघ्यो, खाद्य वस्तुको मूल्यवृद्धि उच्च
- कांग्रेसका ३७ विभागमा सचिवहरू मनोनित
- दुम्कीबास नजिकै विनयी खोलामा पुल भाँचियो, पूर्व-पश्चिम राजमार्ग ठप्प
- कानुन मन्त्री र मुख्य सचिवसहित प्रधानमन्त्री ओली शीतल निवासमा
- दाहाल, नेपाल र लिङ्देनबीच भेटवार्ता, संसद् अधिवेशन बोलाउन माग
- विश्वकप क्रिकेट खेल्न जाने नेपाली टोलीको बिदाइ
- ऊर्जा क्षेत्रमा ऋण लगानी बढाउन माग
- विपिन जोशीको रिहाइका लागि कतार र इजिप्ट सरकारसँग अनुरोध
- ‘पोखरा अन्तर्राष्ट्रिय विमानस्थलबाट यथाशीघ्र नियमित उडान शुरु हुने’