काठमाडौँ । शेयर उकालो उकालो लाग्ने क्रम जारी छ । धितोपत्र बजारमा शेयर कारोबार मापक नेप्से परिसूचक बुधबार पनि उकालो लागेको छ । 

नेपाल स्टक एक्सचेञ्जका अनुसार नेप्से परिसूचक ३५ दशमलव ३९ अंकले उकालो लागेर २ हजार १ सय ४१ दशमलव ८७ मा पुगेको छ । ठूला कम्पनीको शेयर कारोबार मापन गर्ने सेन्सेटिभ परिसूचक ४ दशमलव ९३ अंकले उकालो लागेर ४ सय २ दशमलव ६३ मा पुगेको छ । कारोबार भएका कूल १३ उपसमूहमध्ये आज २उपसमूहको शेयर मूल्यमा कमी आउँदा ११ उपसमूहको शेयर मूल्य भने वृद्धि भएको छ । 

कूल एक करोड ९९ लाख ६३ हजार ६ सय ४ कित्ता शेयर ७  अर्ब ९५ लाख ७५ हजार १ सय ७६ मूल्यमा कारोबार भएको छ । नेप्सेका अनुसार कारोबारका आधारमा शिवम् सिमेन्ट शीर्ष स्थानमा छ । त्यो कम्पनीको  ३७ करोड ३४ लाख ९७ हजार २ सय ६८ रुपैयाँ बराबरको शेयर कारोबार भएको छ ।

सोल्टी होटल २४ करोड ५३ लाख ७७ हजार ६ सय ४०, सोनापुर मिनरल्स २० करोड १५ लाख २४ हजार ३ सय ९१, हिमाल दोलखा हाइड्रोपावर १८ करोड १३ लाख २३ हजार ७ सय ६ र नेपाल पूर्वाधार बैंक १७ करोड ५४ लाख ८३ हजार ५ सय ९० रुपैयाँ बराबरको कारोबार भई शीर्ष पाँचभित्र पर्न सफल भएका छन् । 

बुधबार विभिन्न १३ कम्पनीको शेयर मूल्यमा १० प्रतिशतले वृद्धि भई सकारात्मक सर्किट लागेको छ । कुमारी धनवृद्धि योजना ३ दशमलव ८२, नेरुडे लघुवित्त ३ दशमलव ६५, माथिल्लो मैलुङ ३ दशमलव ६४, साइन रेसुङ्गा डेभलपमेन्ट बैंक ३ दशमलव ४५ र तारागाउँ रिजेन्सी होटलका लगानीकर्ताले ३  दशमलव ३९ प्रतिशतले गुमाएका छन् ।