काठमाडौँ । थापाथलीस्थित परोपकार प्रसूति गृह तथा स्त्री रोग अस्पतालबाट शिशु चोरीमा संलग्न दैलेख घर भएकी मनकुमारी सिंहलाई नियन्त्रणमा लिएको छ ।

शुक्रबार दिउँसो प्रसूति गृहबाट काभ्रेकी एक महिलाले जन्मदिएको २६ दिनको शिशु लिएर मनकुमारी सम्पर्कविहीन भएकी थिइन् । घटना लगत्तै सीसी क्यामरा फुटेजका आधारमा खोजीमा जुटेको प्रहरीले उनलाई काँडाघारीमा फेला पारेको हो 

अनुसन्धानमा संलग्न अधिकृतहरुका अनुसार, शुक्रबार दिउँसो केहिवेरका लागि शिशु समातेकी मनकुमारी त्यहाँबाट निस्किएर ट्याक्सी चढेकी थिइन् ।

प्रहरीले शुक्रबार साँझ ट्याक्सी चालकलाई समेत नियन्त्रणमा लिएर खोजी थालेको थियो । त्यसक्रममा सिंह पेप्सिकोलामा ओर्लिएर डेढ किलोमिटर हिँड्दै घरसम्म गएको खुलेको छ । पेप्सिकोलामा ओर्लिएपछि उनलाई लिन उनकी दिदी बाटोमै आएको देखिएको छ ।

काठमाडौं प्रहरीले पक्राउ परेकाहरुविरुद्ध के कसूरमा कारबाही प्रक्रिया अघि बढाउने भन्ने टुंगो लगाइसकेको छैन ।

 यो पनि.....

प्रसूति गृहबाट हराएको शिशु भक्तपुरको काँडाघारीमा फेला, तीनजना पक्राउ

यी हुन् प्रसूतिगृहबाट २६ दिनको शिशु चोरेर भाग्दै गरेकी महिला