काठमाडौँ । एसियाली विकास बैंक (एडिबी)ले लाओसलाई  ३ करोड २० लाख डलर ऋण दिने भएको छ । एडिबीले जलवायु परिवर्तनबाट उत्पन्न समस्यासँग जुँध्न र देशका विभिन्न प्रान्तका कृषक  समुदायको जीविकोपार्जनमा सुधार ल्याउँनका लागि  लाओसलाई उल्लेखित रकम ऋण दिन लागेको हो । 

ऋण रकम एडिबीले मंगलबार स्वीकृत गरेको छ । एडिबीको बाढी तथा खडेरी न्यूनीकरण र व्यवस्थापन क्षेत्र परियोजनाले लाओसलाई बाढी र खडेरीबाट हुने क्षतिलाई कम गर्न आहार विविधता क्षेत्रमा सहयोग गर्ने बताएको छ । 

एडिबीका  अनसुार  परियोजनाले उच्च मूल्यका तथा बजारमुखी बालीहरू विस्तार गरेर आर्थिक विविधीकरणलाई प्रवर्धन गर्न  एवं अतिरिक्त कृषि जनशक्तिलाई रोजगारी  उन्मुख बनाउने लगायतका कार्य गर्ने छ ।  साथै व्यापार वृद्धि गर्दै कृषि निर्यात विस्तारको माध्यामबाट विदेशी मुद्रा तथा कर राजस्व आर्जन गर्ने लक्ष्य पनि लाओसले अगाडि बढाएको छ।खडेरी,  बाढी तथा मौसमी जोखिमको हिसाबले लाओस उच्च जोखिममा रहेको एडीबीले जनाएको छ । 

पछिल्ले समय मौसमी जोखिमका कारण लाओसको कुल ग्रार्हस्थ उत्पादनमा करिब २ प्रतिशत कमी आएको अनुमान  गरिएको छ ।  अत्यधिक गर्मीका कारण बाली उत्पादन घट्दै गहिरहेको समयमा सिञ्चाइको उच्च आवाश्यकता  रहेको तथा माटोको स्वस्थ्यमा पनि कमी आएका कारण सुख्खा मौसमी धानको उत्पादन भने स्वात्तै बढ्दै गएको छ  ।  त्यहाँस्थित १ सय ४  सौर्य ऊर्जाबाट चल्ने बोरहोल बढ्दो तापक्रमसँग अनुकूलन बनाउन अपर्याप्त  छ ।