काठमाडौँ । आईसीसी क्रिकेट विश्वकप लिग–२ अन्तर्गतको जारी खेलमा नेपालले नेदरल्यान्ड्सलाई १७३ रनको लक्ष्य पेश गरेको छ । त्रिवि क्रिकेट मैदानमा टस हारेर ब्याटिङको निम्तो पाएको नेपालले निकै खराब ब्याटिङ गर्दै ४९.३ बलमा अल आउट हुँदै १७२ रन जोडेको हो । 

पहिलो विकेटका लागि कुशल भुर्तेल र आसिफ शेखले ४२ रनको साझेदारी गरेका थिए । तर त्यसपछि कुनैपनि गतिलो साझेदारी बन्न सकेन र नेपाल १७२ रनमा अल आउट हुन पुग्योृ । 


नेपालका ओपनर कुशल भुर्तेलले अर्धशतक पूरा गरे । भुर्तेलले ९२ वल खेल्दै ८ चौकाको मद्दतमा ६६ रन जोडे । त्यसबाहेक अन्य कुनै पनि व्याट्म्यानले गतिलो योगदान दिन सकेनन् । दशैँ नम्बरमा आएका करन केसीले करण केसीले २७ बलमा २ छक्का र १ चौकाको मद्दतमा २६ रहनको महत्वपुर्ण रन जोडे । आरिफ शेख २२, आसिफ शेख १७, अनिल साह ७, रोहितकुमार पौडेल १६, भीम सार्की शुन्य, कुशल मल्ल २,गुल्सन झा ५,  तथा दीपेन्द्र सिंह ऐरी १ रनमा आउट भए ।

नेपाललाई सस्तैमा समेट्ने क्रममा नेदरल्याण्ड्सका आर्यन दत्त र भिभयन किंग्माले समान ३–३ विकेट लिए भने बास डि लिडले २ तथा रोलेफ भान डर मर्वेले एक विकेट लिए ।


सम्बन्धित समाचार....

नेदरल्यान्ड्सविरुद्ध नेपालको खराव ब्याटिङ, कुशल भुर्तेल पनि आउट

कुशल भुर्तेलले पूरा गरे अर्धशतक

टस हारेर ब्याटिङ गर्दै नेपाल, टिममा दुई परिवर्तन

आईसीसी विश्वकप लिग २ : आज नेपाल र नेदरल्याण्ड्स भिड्दै