काठमाडौँ । राजावादीहरूको प्रदर्शनमा झडप भएको छ । राजावादीहरूले शुक्रबार काठमाडौँको तीनकुनेमा आयोजना गरेको वर्तमान व्यवस्थाविरुद्धको  प्रदर्शनमा झडप भएको हो । 

तीनकुनेबाट नयाँ बानेश्वर तर्फ अगाडि बढ्न खोजेको जुलुशलाई प्रहरीले रोक्न खाजेपछि झडप भएको हो । प्रदर्शनकारी र प्रहरीबीच भएको झडपको कारण तीनकुने क्षेत्र तनावग्रस्त बनेको छ । अहिले त्यहाँ प्रहरीले पानीको फोहोरा र अश्रुग्यास प्रहार गरिरहेको छ ।

राजावादीहरूले प्रदर्शनको क्रममा व्यक्तिका घर समेत तोडफोड गरेका छन् । राजावादीहरूले विभिन्न व्यक्तिका घरबाट प्रहरीले अश्रुग्यास प्रहार गरेको भन्दै .त्यसतर्फ ढुंगा र इँटा हानेका हुन् । 

प्रहरीको अश्रुग्यास प्रहारपछि मञ्चमा रहेका राजावादी नेताहरू  सुरक्षित स्थलतर्फ लागेका थिए । तर अहिले  पुनः मञ्चमा जम्मा हुन थालेका छन् ।

आन्दोलनका कमान्डर दुर्गा प्रसाईं मञ्चमा चढेका छन् । मञ्चमा पुगेर नेता र राजवादी समर्थकहरुलाई कार्यक्रम स्थलमा आउन माइकबाट आह्वान गरिरहेका छन् ।