जनकपुरधाम । थमन विक हत्या प्रकरणमा महोत्तरी जिल्ला अदालतले लोकतान्त्रिक समाजवादी पार्टी(लोसपा)का  प्रदेश सांसदसहित ७ जनालाई जन्मकैद तोकेको छ । हत्या प्रकरणमा संलग्न भनिएका नेकपा एमालेका सांसद लक्ष्मी महतो कोइरीले भने सफाई पाउनुभएको छ ।   

महोत्तरीमा ८ वर्षअघि भएको सशस्त्र प्रहरी बलका असई  विक हत्या प्रकरणमा महोत्तरीले अदालतले सञ्जयकुमार साह, प्रदीप साह माझी, मोहन ठाकुर, अभिराम शर्मा, धर्मेन्द्र राय, रामशंकर मिश्र र सुरेश पाण्डेलाई जन्मकैदको सजाय सुनाएको हो ।  जिल्ला न्यायाधीश उद्धवप्रसाद भट्टराईको इजलासले बिहीबार प्रदेश शर्मासहित ७ जनालाई जन्म कैद र संघीय सांसद कोइरीलाई सफाईको फैसला गरेको हो ।   जन्मकैद सजाय तोकिएका शर्मा अहिले मधेश प्रदेशसभामा सांसद तथा सदीय दलका नेता हुनुहुन्छ । जन्मकैद सजाय पाएका मिश्र जलेश्वर नगरपालिकाका पूर्वमेयर हुनुहुन्छ । 

मधेश आन्दोलनका क्रममा २०७५ साल भदौ २५  महोत्तरीमा सशस्त्र प्रहरी बलका असई  बिकको हत्या भएको थियो । बिक हत्या मुद्दामा २८ साउन २०७५ मा महोत्तरी  अदालतमा २८ जनाविरुद्ध कर्तव्यज्यान मुद्दा दर्ता भएको थियो । घटनामा महोत्तरी १ बाट प्रतिनिधिसभामा एमालेबाट निर्वाचित कोइरीले सफाइ पाएको श्रेस्तेदार नुतन झाले जानकारी दिनुभएको छ ।