काठमाडौँ । पूर्वप्रधानमन्त्री झलनाथ खनालले अमेरिकी मिलेनियम च्यालेन्ज कर्पोरेसन (एमसीसी) सम्झौता नेपालको नेपालको हितमा नरहेको बताउनुभएको छ । 

नेकपा एकीकृत समाजवादीका सम्मानित नेता खनालले आइतबार काठमाडौँमा आयोजित अन्तरक्रिया कार्यक्रममा एमसीसी नेपालको  सार्वभौमसत्ता, भू–राजनीतिक सन्तुलन र संविधानको भावना विपरीत रहेको टिप्पणी गर्नुभएको हो । 

पूर्वप्रधानमन्त्री खनालले एमसीसी  दक्षिण एसियामा अमेरिकी सुरक्षा रणनीतिलाई अघि बढाउने उदेश्यले ल्याइएको धारणा व्यक्त गर्नुभयो ।  नेपाल सरकारे एमसीसी सम्झौता गरेर अमेरिकी सुरक्षा रणनीतिलाई अघि बढाउने माध्यम बनेको नेता खनालको भनाई छ ।

पूर्वप्रधानमन्त्री खनालले एमसीसी सम्झौता नेपालको संसदबाट असामान्य ढंगबाट अनुमोदन भएको भन्दै यसले चीन र भारतसँग नेपालको भू–राजनीतिक सन्तुलन माथि गम्भीर असर पुर्याएको .टिप्पणी गर्नुभएको छ ।  समाजवादी नेता  खनालले संसदमा छलफल नै नगरी एमसीसी पास गरिएको घटना आश्चर्यजनक भएको भन्दै  त्यसले लोकतान्त्रिक मूल्यमान्यताको उल्लङ्घन गरेको प्रष्ट्याउनुभएको छ । 

पूर्वप्रधानमन्त्री खनालले राजनीतिक दलहरूले यसमा दोहोरो भूमिका खेलेको आरोप समेत लगाउनु भएको  छ । त्यसबाट विद्यार्थी, युवा र बुद्धिजीवीहरूले बेकारमा  दुस्ख भोग्नुपरेको उहाँको भनाई छ  । 
खनालले एमसीसी सम्झौताले नेपाललाई भारतसँगमात्र विद्युत व्यापार गर्न बाध्य पार्ने उल्लेख गर्दै  यसले भारतीय एकाधिकार बलियो बनाउने खतरा रहेको बताउनुभएको छ ।