नेपालकैरन
काठमाडौँ । आउने चैतको ३ गते काठमाडौँमा महिला नेतृत्व शिखर सम्मेलन हुने भएको छ । उद्योग, वाणिज्य तथा आपूर्ति मन्त्रालयसँगको सहकार्यमा नेपाल उद्योग परिसङ्घले दोस्रो अन्तरराष्ट्रियस्तरको ‘वुमन लिडरसिप समिट २०२५’को आयोजना गर्न लागेको हो ।
परिसङ्घद्वारा आज आयोजित पत्रकार सम्मेलनमा परिसङ्घका अध्यक्ष राजेशकुमार अग्रवालले शिखर सम्मेलन आयोजनाबारे जानकारी दिनुभयो । उहाँकाअनुसार सम्मेलनमा प्रविधि र नवप्रवर्तन, दिगो कृषिमा महिला, महिलामा लगानी लगायतका विषयमा विभिन्न सत्रमा छलफल हुनेछ ।
सम्मेलनमा परिवर्तन प्रेरित महिला, नेतृत्व, राष्ट्रिय तथा अन्तरराष्ट्रिय विज्ञलाई एउटै थलोमा ल्याउने र सरकार, सरोकारवाला निकायले लिनुपर्ने नीतिगत विषयमा गहन छलफल गरिने अध्यक्ष अग्रवालले बताउनुभयो ।
‘यस सम्मेलन वर्तमान एवं सफल उदाहरणमा केन्द्रित हुनेछ, जसले महिलालाई प्रेरित गर्नेछ’ परिसङ्घका अध्यक्ष राजेशकुमार अग्रवालले भन्नुभयो– ‘छलफल, अन्तरक्रियाबाट तत्काल उपलब्धि मिल्ने हैन । सम्मेलनबाट प्राप्त सुझाव र प्रतिवेदनले सरकारलाई नीति निर्माणमा सहयोग पुग्ने विश्वास लिएका छौँ ।’
परिसङ्घले निजी क्षेत्रको उत्पादनमूलक एवं सेवामुलक संस्थाको प्रतिनिधिका रूपमा औद्योगिक वातावरण निर्माण, नवप्रवर्तन प्रवर्द्धन, रोजगारी सिर्जना एवं समग्र आर्थिक विकासमा सरकारसँग सहकार्य गर्दै आएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- हिंसात्मक झडपमा २ जनाको मृत्यु, ३५ घाइते : गृह मन्त्रालय
- एभिन्यूज टिभीका क्यामेरा पर्सन रजकको आगजनीमा जलेर मृत्यु
- एकीकृत समाजवादीद्वारा घटनाको दोषीलाई कारबाही माग
- राजावादीद्वारा जडीबुटी उत्पादन कम्पनीमा आगजनी
- काठमाडौँमा कर्फ्यू लाग्यो
- राजावादीद्वारा भाटभटेनी सुपरस्टोरमा लुटपाट र तोडफोड
- राजावादीहरूको प्रदर्शनमा झडप, व्यक्तिका घर तोडफोड
- भारतमा तीर्थ गएका दाङका ४ जनाको दुर्घटनामा मृत्यु
- बैंककमा शक्तिशाली भूकम्प गयो
- बोल्न नपाएपछि दर्शक मात्रै बन्न मोर्चाको प्रदर्शनमा जान्न : झलनाथ