काठमाडौँ । नेपाल स्टक एक्सचेञ्ज (नेप्से) परिसूचक आज सामान्य अंकले घटेको छ । 

नेप्से परिसूचक बुधबार चार दशमलव ४५ अंकले घटेर २ हजार ७ सय ११ दशमलव ४५ को बिन्दुमा कायम भएको हो ।

आज ३ सय ९ कम्पनीको एक करोड ९१ लाख ८१ हजार चार सय १४ कित्ता शेयर, ९० हजार ७ सय ५२ पटक खरिदबिक्री हुँदा ८ अर्ब ९५ करोड ८० लाख ७ हजार रुपैयाँको कारोबार भएको छ । आजको कारोबारमा उपकार लघुवित्त वित्तीय संस्था लिमिटेड र छ्याङदी हाइड्रोपावर लिमिटेडको शेयर मूल्यमा सकारात्मक सर्किट लागेको छ भने सामुदायिक लघुवित्त वित्तीय संस्था लिमिटेड र कर्पोरेट डेभलपमेन्ट बैंक लिमिटेडको शेयर मूल्यमा नकारात्मक सर्किट लागेको छ ।

नेपाल रिइन्स्योरेन्क कम्पनी लिमिटेडको आज सबैभन्दा बढी  ३३ करोड ७६ लाख ३९ हजार रुपैयाँको कारोबार भएको छ । सङ्ख्याका आधारमा सबैभन्दा बढी सनराइज फोकस्ड इक्विटी फण्डको ८ लाख ९ हजार १ सय ९० कित्ता शेयर किनबेच भएको छ । 

आजको कारोबार पछि कूल बजार पुँजीकरण  ४४ खर्ब ९८ अर्ब ७१ करोड ५९ लाख रुपैयाँँ बराबर पुगेको छ ।