काठमाडौँ । नेपालमा आईफोनको आधिकारीक बिक्रेता जोय स्टोर र सन सेक्युरिटीबीच सम्झौता भएको छ। आईफोन निर्माता कम्पनी एप्पलका उत्पादन खरिदबिक्री सम्बन्धमा दुई संस्थाबीच सम्झौता भएको हो ।
 
सम्झौतामा जोय स्टोरका तर्फबाट प्रबन्ध निर्देशक गुरुदत्त शर्मा र सन सेक्युरिटीका तर्फबाट अध्यक्ष कृष्ण गिरीले हस्ताक्षर गर्नुभएको छ । सम्झौता अनुसार  जोय स्टोरबाट एप्पलका सामान खरिदमा सन सेयक्युरिटीका कर्मचारी तथा ग्राहकहरुले २० प्रतिशतसम्म छुट पाउनेछन् ।  

सन सेक्युरिटीका कर्मचारी तथा ग्राहकलाई सरल र सुलभ मूल्यमा एप्पलका उत्पादन उपलब्ध गराउनका लागि यो सम्झौता गरिएको जोय स्टोरका प्रबन्ध निर्देशक शर्माले जानकारी दिनुभयो । ‘छुटका लागि कर्मचारीले सन सेक्युरिटीको परिचय पत्र र ग्राहकले सन सेक्युरिटीको टिएमएन एकाउन्ट वा डिपी एकाउन्ट देखाउनुपर्ने छ,’ उहाँले भन्नुभयो, ‘सोही आधारमा जोय स्टोरले छुटमा एप्पलका सामान उपलब्ध गराउने छ ।’

जोय स्टोर नेपालमा एप्पलका उत्पादनहरु बिक्री गर्ने आधिकारिक बिक्रेता हो । जसले काठमाडौँको ताम्राकार कम्प्लेक्स र पोखराको महेन्द्रपुलबाट आधिकारिक रुपमा आईफोन लगायत एप्पलका उत्पादनहरु बिक्री गर्दै आएको छ । 

जोय स्टोरका प्रबन्ध संचालक शर्मा ताम्राकार मोबाइल व्यवसायी संघका अध्यक्ष समेत हुनुहुन्छ ।  

जोय स्टोरले एप्पलका उत्पादनहरु आईफोन, म्याकबुक, एप्पल वाच, एयरपड, हेडफोन र अन्य एसेसोरिजहरु बिक्री गर्दै आएको छ । यसका साथै जोय स्टोरले विक्री गर्दै आइरहेको एप्पलका मोबाईलहरुमा २ बर्षको वारेन्टि, १ बर्षको इन्सुरेन्स, म्याकबुकमा २ बर्षको वारेन्टि र एयरपडमा समेत २ बर्षको वारेन्टिको सुविधा पनि रहेको कम्पनीले जनाएको छ ।