जनकपुरधाम ।  साल्ट ट्रेडिङ  कर्पोरेशन लिमिटेड शाखा कार्यालय धनुषाले गत आर्थिक वर्ष २०८०र८१ मा  १८ करोड ६२ लाख ८१ हजार रुपैयाँ मूल्यबराबरको आयोडिनयुक्त नुन बिक्री गरेको छ । 

धनुषा, महोत्तरी तथा सिन्धुली कार्यक्षेत्र रहेको कार्यालयले तीनवटा जिल्लामा आफ्ना २५  डिलरमार्फत आयोडिनयुक्त नुन बिक्री गरेको हो । कार्यालयका अनुसार चालु आर्थिक वर्षको तीन महिना अर्थात् साउन, भदौ र असोजमा ५ करोड २३ लाख रुपैयाँ मूल्यबराबरको नुन बिक्री गरेको छ । 

त्यस अवधिमा ४५ हजार तीन सय ७० बोरा नुन बिक्री भएको हो । कार्यालयले दशैँ तिहार तथा छठपर्वलाई लक्षित गरी सहुलियत दरको शुपथ मूल्य पसल सञ्चालन गरी नुन बिक्री गरेको जनाएको छ ।

गत असोज ७ गतेदेखि कात्तिक २९ गतेसम्म सञ्चालन हुने सोसहुलियतदरको पसलबाट हालसम्ममा ५ हजार ६ सय प्याकेट नुन बिक्री गरेर २ लाख ६१ हजार कार्यालयलाई आम्दानी भएको प्रमुख शुभनारायण साहले बताउनुभयो । 

सहुलियत दरका  पसलबाट २४ रुपैयाँ प्रतिप्याकेट तथा सोझै डिलरमार्फत  २६ रुपैयाँ  प्रतिप्याकेट नुन बिक्री भइरहेको बताइएको छ । यस्तै कार्यालयले रासायनिक मलको कारोबारसमेत गर्दै आएको प्रमुख साहले जानकारी दिनुभयो ।