काठमाडौँ । खाने मुखलाई जुंगाले छेक्दैन भने झै,   पढ्न र लेख्नको लागि उमेरले रोक्दैन ।  मानिसले चाह्यो भने जुनसुकै उमेरमा पनि अध्ययन गर्न सक्दो रहेछ । यसको ज्वलन्त उदाहरण बन्नुभएको छ, अमेरिकाको भर्जिनिया निवासी गिन्नी हिस्लप ।  उहाँले १ सय ५ वर्षको उमेरमा स्नातकोत्तर गर्नुभएको छ । गिन्नी हिस्लपले कलेज छाडेको  ८० वर्षपछि फेरि अध्ययन थालेर स्नातकोत्तर गर्नुभएको हो । 

उहाँको अहिले सर्वत्र चर्चा भइरहेको छ ।  गिन्नी हिस्लपले ८० वर्षपछि स्ट्यानफोर्ड ग्रेजुएट स्कूल अफ एजुकेशन (GSE) बाट आफ्नो पढाइ पूरा गर्नुभएको छ ।  

प्राप्त जानकारी उहाँ अनुसार सन् १९४० मा आफ्नो कोर्सको अन्तिम सेमेस्टरमा हुनुहुन्थ्यो ।  अन्तिम महिनामा आफ्नो मास्टर थेसिस पेश गर्नुअघि नै दोस्रो विश्वयुद्ध शुरु भयो । त्यसपछि उहाँलाई  श्रीमानले युद्धमा बोलाउनुभयो । त्यही कारण उहाँको डिग्री कोर्स अलपत्र पर्यो । 

जब युद्ध रोकियो तर उहाँको अध्ययन शुरु भएन ।  उहाँ पारिवारीक जिम्मेवारीमा पर्नुभयो । त्यही कारण उहाँको अध्ययन रोकियो । उहाँले छोरा छोरी मात्रै होइन नातिनातिना समेत हुर्काउनुभयो । उहाँका ९ जना नातिनातिना छन् । पारिवारीक जिम्मेवारी पूरा गरेपछि उहाँले फेरि अध्ययन थाल्नुभयो ।   जिन्नी हिस्लप आफ्नो मास्टर डिग्री पूरा गर्न कलेज भर्ना हुनुभयो ।  केही वर्षको अध्ययनपछि उहाँले जुन १६ मा मास्टर डिग्री प्राप्त गर्नुभयो ।  

उहाँलाई डीन डेनियल श्वार्ट्जले मास्टर डिग्रीको प्रमारणपत्र  हस्तान्तरण गर्नुभयो । मास्टर डिग्रीको प्रमाणपत्र लिँदै जिनी हिस्लपले भन्नुभयो  ‘हे भगवान्, मैले लामो समयदेखि यसको प्रतीक्षा गरेकी छु ।’ उहाँले एक भिडियो अन्तरवार्तामार्फत आफ्नो कथा प्रस्तुत गर्नुभएको छ ।