
तनहुँ । हिन्दू धर्मावलम्वीहरु शिवरात्रिमा ब्रत बस्छन् । त्यसदिन माछामासु खाँदैनन् तर नेपालमै उउटा यस्तो ठाउँ छ, जहाँका बासिन्दा शिवरात्रिमा सामूहिक रुपमा माछा मार्न जान्छन् । तनहुँको भिमाद नगरपालिका वडा नम्बर ३ का बासिन्दाले महाशिवरात्रिमा सामूहिक रूपमा माछा मार्दै आएका छन् ।
बासिन्दाले शिवरात्रिमा सामूहिक रूपमा भेला भएर बुढुवाखोलामा माछा मार्ने प्रचलनलाई निरन्तरता दिएका छन् । यो उनीहरुको वर्षौंदेखिको चलन हो । शिवरात्रिको दिन बिहानदेखि खोलामा माछा मार्नेको भीड लागेको स्थानीयवासी चेतबहादुर मल्लले जानकारी दिनुभयो ।
शिवरात्रिमा यस खोलामा माछा मार्ने प्रचलन वर्षौंदेखि चलिआएको र त्यसलाई यहाँका स्थानीयवासीले निरन्तरता दिएको उहाँले बताउनुभयो । ‘माछा मार्ने यहाँको प्रचलन नै हो । यसलाई प्रत्येक वर्ष स्थानीयवासीले निरन्तरता दिएका छन् । हामीले थाहा पाएदेखि नै यो चलन रहँदै आएको छ’ मल्लले भन्नुभयो ।
माछा मार्ने कार्यमा सहभागी हुनुभएका वसन्तसिंह ठकुरीले विगतका वर्षमा तीन÷चार सय व्यक्ति भेला भई माछा मार्ने गरे पनि यस वर्ष भने करिब दुई सयको सङ्ख्यामा सहभागी भएको जानकारी दिनुभयो । उहाँका अनुसार माछा मार्न बालक, युवादेखि वृद्धसम्म बुढुवाखोला पुगेका थिए । ढडिया, जाल, डोको लगायत सामग्री प्रयोग गरी परम्परागत रूपमा माछा मार्ने प्रचलन रहँदै आएको छ ।
भिमाद नगरपालिका–३ का वडाध्यक्ष पदम ठकुरीले माछा मार्ने प्रचलनले स्थानीयवासीबीच भाइचाराको विकास भएको बताउनुभयो । उहाँले भन्नुभयो– ‘यो एउटा चलिआएको चलन मात्र नभई आपसी सद्भाव र भाइचाराको विकास गर्ने माध्यम पनि बनेको छ ।’
विगत वर्षमा स्थानीयवासीले माछा मारेर फुर्लङभरि लैजाने गरे पनि आजभोलि करेन्ट र विषादीको प्रयोगले बुढुवाखोलामा माछा कम पाउन थालेका छन् । शिवालय नजानेहरू शिवरात्रिमा यहाँ माछा मार्न आउने गरेको छन् ।
यसपटकको महाशिवरात्रिमा घिरिङ गाउँपालिका–४ र ५ तथा भिमाद नगरपालिका–३ का स्थानीय माछा मार्न सहभागी भएका जनाइएको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- हिंसात्मक झडपमा २ जनाको मृत्यु, ३५ घाइते : गृह मन्त्रालय
- एभिन्यूज टिभीका क्यामेरा पर्सन रजकको आगजनीमा जलेर मृत्यु
- एकीकृत समाजवादीद्वारा घटनाको दोषीलाई कारबाही माग
- राजावादीद्वारा जडीबुटी उत्पादन कम्पनीमा आगजनी
- काठमाडौँमा कर्फ्यू लाग्यो
- राजावादीद्वारा भाटभटेनी सुपरस्टोरमा लुटपाट र तोडफोड
- भारतमा तीर्थ गएका दाङका ४ जनाको दुर्घटनामा मृत्यु
- प्रहरी नायव निरीक्षक घुससहित पक्राउ
- आज चैत्र कृष्ण चतुर्दशी, पाहाँचह्रे मनाइँदै
- मौसममा पश्चिमी वायुको प्रभाव