
काठमाडौँ । विद्यावारिधि कुनै पनि विद्याको उच्च उपाधि हो । विद्यावारिधि प्राप्त गर्न त्यति सजिलो छैन । मानिसले वर्षौको अध्ययन तथा मेहनतपछि बल्ल विश्व विद्यालयबाट विद्यावारिधि प्राप्त पर्छन् । विभिन्न क्षेत्रमा विद्यावारिधि गर्ने प्रचलन छ । जुन क्षेत्रमा विद्यावारिधि गर्यो, त्यो क्षेत्रको विज्ञ मानिन्न्छ ।
विद्यावारिधि अब मानिसमा मात्रै सीमित रहेन । जनावरले समेत विद्यावारिधि प्राप्त गर्न थालेका छन् । घरपालुवा जनावरले विद्यावारिधि गर्न थालेका हुन् । एउटा कुकुरले ओस्कार अवार्ड समारोह तथा कान्स फिल्म फेस्टिवलमा रेड कार्पेटमा पोज दिइरहेको देखेपछि बिरालो पनि के कम ? एउटा बिरालोले साहित्यमा विद्यावारिधि गर्न सफल भएको छ ।
अमेरिकाको भर्मोन्ट स्टेट विश्वविद्यालयस्थित क्यासल्टन क्याम्पसबाट ‘म्याक्स डाँव’ नामक बिरालोले विद्यावारिधि (पिएचडी) उपाधि प्राप्त गरेको हो । यद्यपि त्यो बिरालोले मुसा मारेर पिएचडी उपाधि पाएको होइन। क्यासल्टन क्याम्पसले बिरालोलाई उसको मित्रवत् व्यवहारका कारण सम्मान स्वरुप मानार्थ विद्यावारिधिको उपाधि दिएको हो ।
क्याम्पसको मुख्य गेट नजिकैको घरमा बस्ने म्याक्स विद्यावारिधि गरेसँगै क्याम्पसमा थप आकर्षणको केन्द्र बनेको छ । धेरैजसो क्याम्पसभित्रै समय बिताउने म्याक्सले आफ्नो मित्रवत् व्यवहारका कारण क्याम्पसमा आवतजावत गर्ने सबै मानिसहरुको ध्यान आफूतर्फ खिच्ने गरेको छ । म्याक्स कैयन् वर्षदेखि क्याम्पसका विद्यार्थी, शिक्षक तथा अन्य कर्मचारीसँगै क्याम्पसको हल तथा पुस्तकालय लगायतमा डुल्ने गरेको छ ।
म्याक्सका मालिक एस्ले डोका अनुसार उनको घरपालुवा बिरालो विद्यार्थीहरुसँग भेट्ने ध्याउन्नमा वर्षौं पहिलेदेखि नै क्याम्पसमा आउन शुरु गरेको थियो । उसलाई कोही मानिसले हातले उचालेको, सँगै खेलेको तथा क्याम्पसको कार्यक्रममा सहभागी गराएको निकै मन पर्दछ । विद्यार्थीसँग कहाँ र कहिले भेट्ने भन्ने उसलाई जानकारी हुन्छ । क्याम्पसका सबैले म्याक्सलाई चिन्दछन् । ऊ सबैसँग खेल्नमा रुची राख्दछ। यहाँसम्म कि सेल्फीका लागि समेत पोज दिन्छ ।
विश्वविद्यालयले आफ्नो फेसबुक पेजमा एक पोस्ट गर्दै म्याक्स कैयौं वर्षदेखि विश्विद्यालयको परिवारको सदस्यको रुपमा रहेको जनाएको छ । विश्वविद्यालयको नियमित दीक्षान्त समारोहमा म्याक्स उपस्थित नहुने र उसका लागि छुट्टै कार्यक्रमको आयोजना गरेर विद्यावारिधिको उपाधिले विभूषित गरिने बताइउको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- रवि लामिछाने र पूर्वडीआईजी छविलाल जोशीलाई थुन्न आदेश
- ‘गणतन्त्रको विकल्प राजतन्त्र हुन सक्दैन’
- नेपालसँगको सम्बन्धलाई ठूलो प्राथमिकता दिएका छौँः प्रधानमन्त्री मोदी
- जनमोर्चाले गणतन्त्र र राष्ट्रियता रक्षाको लागि अभियान थाल्ने
- भारतीय प्रधानमन्त्रीसँग राम्रो कुराकानी भयोः प्रधानमन्त्री ओली
- गृहमन्त्रीको राजीनामा माग गर्दै राप्रपाद्वारा प्रदर्शन
- ‘देश र जनताको सेवामा रातदिन खटिँदा पनि मलाई बर्खास्त गरियो’
- हावाको गतिले घटायो वायु प्रदूषण
- बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न
- जलवायु परिवर्तनले मानव जातिको अस्तित्वमा सङ्कट उत्पन्न गरेको छः प्रधानमन्त्री