काठमाडौँ । फ्रान्सको नेसनल र्‍याली पार्टीका प्रमुख मारिन ले पेनलाई भ्रष्टाचारको अभियोगमा दोषी ठहर गर्दैे सार्वजनिक पदबाट प्रतिबन्ध लगाएपछि उक्त पार्टीले आइतबार आफ्ना समर्थकलाई भेला गर्ने योजना बनाएको छ ।

यो धमाकेदार फैसलाले फ्रान्सको राजनीतिक संस्थापनलाई स्तब्ध बनाएको छ र उनका केही कट्टर विरोधीहरूले पनि सन् २०२७ को मतदानमा अति दक्षिणपन्थी नेतालाई खडा हुन दिनुपर्ने बताएका छन् । ले पेनले फेसलाविरूद्ध अपिल दर्ता गराउनुभएको छ ।

‘हामी स्वतन्त्रताको रक्षा गर्न, लोकतन्त्र बचाउन र मरिनलाई समर्थन गर्न फ्रान्सका जनतालाई परिचालन गरौँ ।’  ले पेनको नेसनल -याली (आरएन) पार्टीले पेरिसमा विरोध प्रदर्शन गर्नुअघि एक्समा उल्लेख गरेको छ ।

बिएफएमटिभीका लागि सर्वेक्षणकर्ता इलाबेले शनिबार सार्वजनिक गरेको पछिल्लो सर्वेक्षणअनुसार ५६ वर्षीया ले पेनले दुई चरणको राष्ट्रपतीय निर्वाचनमा भाग लिएमा उहाँ पहिलो चरणको निर्वाचनमा सहजै शीर्ष स्थानमा रहनुहुनेछ ।

उहाँले आफूलाई राष्ट्रपति इमानुएल म्याक्रोँको उत्तराधिकारीका लागि ‘उचित विकल्प’ भएको बताउनुभएको छ ।

ले पेनलाई सोमबार भ्रष्टाचारको मुद्दामा दोषी ठहर गर्दै आंशिक रूपमा निलम्बित जेल सजाय र सार्वजनिक पद धारण गर्न तत्काल प्रतिबन्ध लगाइएको हो ।
 
उहाँका समर्थकहरूले यो फैसला राजनीतिबाट प्रेरित भएको आरोप लगाए पनि म्याक्रोँले फ्रान्सेली न्यायपालिका ‘स्वतन्त्र’ भएको बताउनुभएको छ । 

अमेरिकी राष्ट्रपति डोनाल्ड ट्रम्पले त्यो वाक्यलाई ‘युरोपेली वामपन्थीहरूले अभिव्यक्ति स्वतन्त्रतालाई दबाउन र आफ्ना राजनीतिक प्रतिद्वन्द्वीलाई सेन्सर गर्न कानुनको प्रयोग गरेर’ ‘बोक्सीको शिकार’ गरेको बताउनुभएको छ ।
 
फ्रान्सका प्रधानमन्त्री फ्रान्कोइस बायरोउले उक्त टिप्पणीलाई फ्रान्सेली मामिलामा ‘हस्तक्षेप’ भन्दै खण्डन गर्नुभएको छ ।

उहाँले फ्रान्सेली संस्थाले ‘शक्ति पृथकीकरण र न्यायको रक्षा’ का लागि अनुमति दिएको भन्दै अदालतको फैसलाविरुद्ध प्रदर्शन गर्नु ‘न स्वस्थ र न त वाञ्छनीय’ आधार भएको बताउनुभयो । एजेन्सी