लुम्बिनी । रूपन्देहीमा प्रहरी नायव निरीक्षक  (सई) घुससहित  पक्राउ परेका छन् । रूपन्देहीको हाटीबनगाई (दुर्गौलिया) प्रहरी चौकीमा कार्यरत (सइ खिमबहादुर खड्का घुससहित पक्राउ परेका हुन् । 

खड्कालाई अख्तियार दुरुपयोग अनुसन्धान आयोगको टोलीले ३० हजार रुपैयाँ घुससहित पक्राउ गरेको हो ।  खड्कालाई  बिहीबार दिउँसो भन्सार छली र चोरी तस्करी गर्न सहजीकरण गरीदिने भन्दै घुस  लिइसकेको अवस्थामा पक्राउ गरिएको अख्तियारको बुटवल कार्यालय प्रमुख बिनिता भट्टराईले जानकारी दिनुभएको छ । 
 
कार्यालय प्रमुख भट्टराईका अनुसार, रुपन्देहीको मर्चवार क्षेत्रस्थित मायादेवी गाउँपालिका–६ मकरीचोकबाट घुस रकमसहित पक्राउ परेका प्रनानि खड्कालाई घुस प्रकरणमा आवश्यक कारबाहीका लागि थप अनुसन्धान भइरहेको छ । 

पक्राउ परेका खड्का हाटीबनगाई (दुर्गौलिया) प्रहरी चौकीका प्रमुख हुन् ।