
जुम्ला । जुम्लाका ३० स्वास्थ्य संस्थामा विद्युतीय सूचना व्यवस्थापन प्रणाली लागू गरिएको छ ।
‘अनलाइन’ अभिलेख राख्न मिल्ने गरी जिल्लाका आठवटा स्थानीय तहका ३० वटा स्वास्थ्य चौकीमा विद्युतीय स्वास्थ्य सूचना व्यवस्थापन प्रणाली लागू गरिएको जनस्वास्थ्य सेवा कार्यालय जुम्लाका प्रमुख कृष्ण सापकोटाले जानकारी दिनुभएको छ ।
जिल्लाका ६० वडामध्ये सिञ्जा गाउँपालिकाका छवटै वडामा ‘इन्टरनेट’ सेवाको पहुँच पुगेपछि पालिकाका सबै स्वास्थ्य संस्थामा विद्युतीय स्वास्थ्य सूचना ‘रेकर्डिङ’ तथा ‘रिपोर्टिङ’ प्रणालीको सफ्टवेयर जोडेको जनस्वास्थ्य सेवा कार्यालय जुम्लाका प्रमुख सापकोटाको भनाइ छ । त्यो उपकरण व्यवस्थापन एवं स्वास्थ्यकर्मीलाई तालिमका लागि भनेर कर्णाली प्रदेश सरकारको करिब पाँच लाख बजेट खर्च भएको जनस्वास्थ्य सेवा कार्यालय जुम्लाले जनाएको छ ।
स्वास्थ्य सेवाको सम्पूर्ण विवरणलगायत दैनिक प्रवाह गरिने तथ्याङ्कलाई व्यवस्थित र प्रभावकारी बनाउनको लागि पालिकाका छवटै वडाका स्वास्थ्य संस्थामा बिद्युतीय स्वास्थ्य सूचना प्रणालीको ‘सफ्टवेयर’बाट जानकारी लिने व्यवस्था गरिएको सिञ्जा गाउँपालिका स्वास्थ्य शाखाका प्रमुख ललित रोकायाले जानकारी दिनुभयो ।
अनलाइन माध्यमद्वारा रेकर्डिङ र रिपोर्टिङको काम भइरहेको छ । स्वास्थ्य शाखाका प्रमुख रोकायाले भन्नुभयो– ‘सिञ्जा गाउँपालिकाका तीनवटा स्वास्थ्य चौकी र तीनवटा आधारभूत स्वास्थ्य केन्द्रमा एकीकृत विद्युतीय स्वास्थ्य सूचना प्रणाली लागू गरी सञ्चालनमा आएको छ । बिरामी र स्वास्थ्य परीक्षण गर्नेहरुको एकीकृत अभिलेख रहने छ । सरकारले नीति तथा कार्यक्रममार्फत यस्तो कार्य गरिएको हो ।’
ल्यापटप, इन्टरनेटलगायतका सञ्चार उपकरण र प्रविधिका लागि पालिकाको करिब १० लाख रुपैयाँ खर्च भएको छ । स्वास्थ्य संस्थाको अभिलेखलाई ‘डिजिटलाइजेसन’ गर्नका लागि पालिकाअन्तर्गतका सबै स्वास्थ्य संस्थामा इन्टरनेट जडान भइसकेको सिञ्जा गाउँपालिका अध्यक्ष पूर्णप्रसाद धितालले जानकारी दिनुभयो । स्वास्थ्य व्यवस्थापन सूचना प्रणालीमा यो सफ्टवेयरले संस्थामा अनलाइन अभिलेख पूर्ण रुपमा लागू गर्न सहज भएको सिञ्जा गाउँपालिकाको नराकोट स्वास्थ्य चौकीले जनाएको छ ।
एउटै सेवाग्रहीको नामसहितको विवरण स्वास्थ्य संस्थामा पटकपटक दर्ता गरिरहन नपर्ने, मूल दर्तामा अभिलेखीकरण भइसकेपछि सेवाग्राहीको विवरण पुनः उल्लेख गर्न नपर्ने, खोप लगाउने बालबालिकाहरुको विवरणसमेत अनलाइन प्रणालीबाट नै सूचीकृत गर्न मिल्ने र अनलाइन प्लेटफर्म भएकाले पालिका, जिल्ला तथा प्रदेशमा बसेर पनि सजिलैसँग तथ्याङ्कको विश्लेषण गर्न सकिने भएकाले विद्युतीय स्वास्थ्य सूचना प्रणाली उपयोगी हुने जनस्वास्थ्य सेवा कार्यालय जुम्लाले स्पष्ट गरेको छ ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- ‘गणतन्त्रको विकल्प राजतन्त्र हुन सक्दैन’
- नेपालसँगको सम्बन्धलाई ठूलो प्राथमिकता दिएका छौँः प्रधानमन्त्री मोदी
- जनमोर्चाले गणतन्त्र र राष्ट्रियता रक्षाको लागि अभियान थाल्ने
- भारतीय प्रधानमन्त्रीसँग राम्रो कुराकानी भयोः प्रधानमन्त्री ओली
- गृहमन्त्रीको राजीनामा माग गर्दै राप्रपाद्वारा प्रदर्शन
- ‘देश र जनताको सेवामा रातदिन खटिँदा पनि मलाई बर्खास्त गरियो’
- हावाको गतिले घटायो वायु प्रदूषण
- बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न
- जलवायु परिवर्तनले मानव जातिको अस्तित्वमा सङ्कट उत्पन्न गरेको छः प्रधानमन्त्री
- किन बढ्दै छ वायु प्रदूषण ?