काठमाडौँ । नेपाल बार एशोसिएशनको नयाँ नेतृत्वका लागि गरिएको निर्वाचनको मतगणना भइरहेको छ । मतगणनाको पछिल्लो परिणाम अनुसार अध्यक्ष र महासचिव लगायतका पदमा कांग्रेस–एमाले गठबन्धनको प्यानल अगाडि छ । 

कांग्रेस–एमाले गठबन्धनबाट अध्यक्ष उम्मेदवार डा विजय मिश्रले  ८ सय ६९ मत प्राप्त गर्नुभएको छ । मिश्रलाई पर्साबाट ६६, हेटौंडाबाट ४१ र बागलुङबाट ५५ मत प्राप्त भएको छ । 

माओवादी केन्द्रका अध्यक्ष  उम्मेदवार  रमनकुमार श्रेष्ठले ५ सय २९ मत पाउनुभएको छ ।  श्रेष्ठलाई पर्साबाट ४४, हेटौंडाबाट २६ र बागलुङबाट २५ मत प्राप्त भएको । श्रेष्ठलाई आफ्नो गृहजिल्ला बागलुङबाट भने कम मत आएको छ । 

अध्यक्षका अन्य प्रत्यासी राजु कैनीले ६, आशिष पौडेलले ६ र उज्ज्वल घिमिरेले २ मत पाउनुभएको छ । महासचिवमा पनि मिश्र प्यानलका केदार प्रसाद कोइरालाले अग्रता लिनुभएको छ । 

महासचिवमा मिश्र प्यानलका कोइरालाले ८ सय ७१ मत पाउनुभएको छ ।  श्रेष्ठ प्यानलका उम्मेदवार यज्ञमणि न्यौपानेले ४ सय ५६ मत प्राप्त गर्नुभएको छ ।