काठमाडौँ । युरोपेली सङ्घ (ईयु) का  देशहरूले खेल मैदान र क्याफे लगायत धेरै बाहिरी क्षेत्रमा धुमपानको प्रतिबन्धलाई समर्थन गर्दै  कडा धुमपान विरोधी नियम लागू गर्ने तयारी गरेका छन् ।

सदस्य राष्ट्रहरूले धुवाँ र वाष्प नियन्त्रण गर्न ब्रसेल्समा ब्लकको २७ राष्ट्रका स्वास्थ्य मन्त्रीहरूको बैठकमा त्यो प्रस्ताव पेश गरिनेछ । कूटनीतिक स्रोतका अनुसार यस मुद्दामा राजनीतिक मतभेद भए पनि अनुमोदन हुने सम्भावना बलियो छ ।

यसले सरकारले भविष्यमा धुमपानका कारण हुने मृत्यु र रोगलाई कम गर्न खोज्ने नीतिलाई सङ्केत गर्छ । सेप्टेम्बरमा युरोपेली आयोगको प्रारम्भिक प्रस्ताव पछिको मस्यौदाले ईयुका देशहरूलाई चुरोटमा प्रतिबन्ध विस्तार गर्न आह्वान गरेको छ ।

त्यो कानुन अन्तरगत स्वीमिङ्ग पूल, समुद्र तट, चिडियाखाना, रूफटप बार र रेस्टुरेन्ट टेरेसहरू लगायत स्थानमा सबै धुम्रपान प्रतिबन्धित हुन्छ । एजेन्सी