काठमाडौँ ।  नेपाल स्टक एक्सचेञ्ज (नेप्से) परिसूचक १७ दशमलव ८० अंकले बढेर ३ हजार सात सय ७५ दशमलव ८५ बिन्दुमा पुगेको छ । 

आज विभिन्न ३ सय ७ कम्पनीका एक करोड ८१ लाख ६० हजार ३४ हजार कित्ता शेयर ८ अर्ब ५२ करोड १२ लाख १९ हजार २ सय ९९ दशमलव ६७ रुपैयाँमा कारोबार भएको छ ।
 
कारोबारमा उपसमूहतर्फ ट्रेडिङ पाँच दशमलव ९६ प्रतिशतले बढेको भने फाइनान्स, जलविद्युत्, जीवन बीमा, म्यानुफ्याक्चरिङ एण्ड प्रोसेसिङ र म्यूचुअल फण्डमा पनि हरियाली देखिएको छ । साथै बाँकी उपसमूहमा रातो देखिएको छ ।

दुई वटा कम्पनी दिव्यश्वरी जलविद्युत् लिमिटेड र इन्ग्वा जलविद्युत् लिमिटेडको शेयर मूल्यमा सकारात्मक सर्किट लागेको छ । खानीखोला जलविद्युत्, जोशी जलविद्युत् विकास कम्पनी र सुपर मादी जलविद्युत् कम्पनीको शेयर मूल्य समान नौ दशमलव ९९ प्रतिशतले बढेको छ । 

त्यसैगरी अपर स्याङ्गे जलविद्युत् लिमिटेडको ९ दशमलव ५१ प्रतिशत, जानकी फाइनान्स कम्पनी लिमिटेडको ६ दशमलव १८ प्रतिशत, गुँरास लघुवित्त वित्तीय संस्थाको तीन दशमलव ४६ प्रतिशत, युनिक नेपाल लघुवित्त वित्तीय संस्थाको तीन दशमलव ४६ प्रतिशत र समाज लघुवित्त वित्तीय संस्थाको शेयर मूल्य तीन दशमलव ४४ प्रतिशतले घटेको नेप्सेले जनाएको छ ।