काठमाडौँ । जनमत पार्टीका अध्यक्ष डा सीके राउतलाई धोती दिवश मनाउने क्रममा प्रहरीले पक्राउ गरेको छ । काठमाडौँको माइतीघर निषेधित क्षेत्रमा धोती लगाएर सोमबार प्रदर्शनमा उत्रिएका अध्यक्ष राउतसहित  जनमत पार्टी करिब सय जना कार्यकर्तालाई  प्रहरीले पक्राउ गरेको हो । 

स्थानीय प्रशासनले माइतीघरदेखि नयाँ बानेश्वरसम्म धर्ना, जुलुस गर्न नपाउने गरी निषेधित क्षेत्र घोषणा गरेको छ । जनमत पार्टीले  निषेधित क्षेत्रमा प्रदर्शन गरेको कारण पक्राउ गरिएको हो । अध्यक्ष राउत, पार्टी उपाध्यक्ष तथा उद्योग तथा वाणिज्य र श्रम तथा उपभोक्ता समितिको सभापतिमा अब्दुल खान लगायत करिब सय जनालाई पक्राउ गरिएको जनमतका प्रवक्ता डा शरदसिंह यादवले जानकारी दिनुभएको छ ।  

पक्राउ परेका अध्यक्ष राउतसहित जनमत पार्टी कार्यकर्तालाई महेन्द्र पुलिस क्लबमा राखिएको छ ।  ‘मन्त्रीज्यू, पार्टी अध्यक्ष र समितिका सभापतिसहित हामी करिब एक सय जनालाई प्रहरीले पक्राउ गरेर महेन्द्र पुलिस क्लबमा ल्याएर राखेको छ । हामी सबै सँगै छौं’ उहाँले भन्नुभयो ।