काठमाडौँ । चिनियाँ प्रधानमन्त्री ली किआङले चीन र न्यूजील्यान्डलाई साझा विकासका लागि सँधै साझेदारका रूपमा रहन आह्वान गर्नुभएको छ । 

न्यूजील्यान्डका गभर्नर जनरल सिन्डी किरोसँगको भेटवार्तामा लीले चीन र न्यूजील्यान्डले समान विकास अवधारणा, सांस्कृतिक मूल्य र अन्तर्राष्ट्रिय प्रस्ताव साझा गरेको साथै दुई देशले एक अर्काको विकासबाट वर्षौंदेखि फाइदा उठाएको बताउनुभयो । 

राष्ट्रपति सी चिनपिङबाट किरोलाई हार्दिक बधाई दिँदै लीले दुई देशबीचको जीवन्त मित्रता र ५२ वर्षअघि कूटनीतिक सम्बन्ध स्थापना भएदेखि द्विपक्षीय सम्बन्धमा उल्लेखनीय प्रगति भएको उल्लेख गर्नुभयो । 

चीन–न्यूजील्यान्ड रणनीतिक साझेदारीको १० औँ वार्षिकोत्सवको अवसरमा भएको यो भ्रमण मित्रता र सहयोगको यात्रा भएको  लीले बताउनुभयो ।  

व्यापक रणनीतिक साझेदारीलाई संयुक्त रूपमा अद्यावधिक गरी दुई देशका जनता र विश्वलाई थप फाइदा पुर्याउन न्यूजील्यान्डसँग काम गर्न चीन तयार रहेको उहाँले प्रतिवद्धता जनाउनुभयो । 

न्यूजील्यान्डसँगको सहकार्य सुदृढ पारी शिक्षा र संस्कृतिजस्ता क्षेत्रमा जनताबीच सदाचारीता वृद्धि तथा कर्मचारी आदानप्रदान विस्तार गर्न  मैत्रीपूर्ण अन्तरक्रिया सिर्जना गर्न दुवै देशका जनतालाई सहयोग गर्न चीन इच्छुक रहेको उहाँले उल्लेख गर्नुभयो ।