काठमाडौँ । भारतमा बाढीका कारण १८ जनाको मृत्यु भएको छ । बाढीबाट  लाख भन्दा बढी प्रभावित भएका छन्  । 

उत्तरपूर्वी राज्य आसममा आएको बाढीका कारण १८ जनाको मृत्यु हुनुका साथै ६ लाख भन्दा बढी प्रभावित भएको मङ्लबार अधिकारीहरूले बताएका छन् । बाढीले दश जिल्ला होजाई, करिमगञ्ज, मोरिगाँव, नगांव, दिमा–हसाओ, कछार, डिब्रुगढ, हैलाकान्डी, गोलाघाट र कार्बी आङ्लोङ पश्चिममा असर पारेको छ भने  स्थिति गम्भीर छ ।

आसममा दश जिल्लाहरूमा छ लाख २५ हजार तीन सय १८ जना  बाढीबाट प्रवावित भएको एक अधिकारीले जनाएका छन् । २४ घण्टामा चार जनाको ज्यान गएसँगै बाढीबाट मृत्यु हुनेका सङ्ख्या १८ पुगेको  हो ।  कछार जिल्लामा चार जना बेपत्ता भएको जनाइएको छ । अधिकारीहरूले  हाल ५७७ गाउँ डुबानमा परेको जनाउदै प्रभावित जिल्लाहरूमा करिब छ हजार २३ हेक्टर बाली क्षेत्र क्षतिग्रस्त भएको  उल्लेख गरेका छन् । 

आसम राज्य विपद् व्यवस्थापन प्राधिकरण ९एएसडीएमए० का अनुसार स्थानीय सरकारले प्रभावित क्षेत्रमा १९१ राहत शिविर तथा १०८ वितरण केन्द्र खोलेको छ । प्रभावित क्षेत्रमा रेल ट्रयाकमा क्षति पुगेको कारण केही रेलसेवाहरू पनि रद्द गरिएको अधिकारीहरूले बताएका छन् ।

यसैबीच, बाढी प्रभावित जिल्लामा उद्धार तथा राहतका लागि राष्ट्रिय विपद् प्रतिक्रिया बल (एनडीआरएफ)  र राज्य विपद् प्रतिक्रिया बल (एसडीआरएफ) का कर्मचारी तैनाथ गरिएको छ ।

गत महिना पश्चिम बङ्गालाल र बङ्गलादेशको तटमा आएको चक्रवात र भारी वर्षापछि आसम र मणिपुरका राज्यमा बाढी आएको थियो ।