काठमाडौँ । नाइजेरियामा गोठाला र  किसानबीच झडप हुँदा १ सय ६० जनाको मृत्युभएको छ ।  नाइजेरियाका विभिन्न गाउँमा सोमबार भएको शृङ्खलावद्ध झडपमा  कम्तीमा १ सय ६० जनाको ज्यान गएको स्थानीय अधिकारीहरुले बताएका छन् । 

बोक्कोसस्थित  स्थानीय सरकारी क्षेत्रको गाउँमा मुसुमा गोठाला र किसानहरुबीच झडप भएको हो । बोक्कोस, पठार राज्यको स्थानीय सरकारका अनुसार झडपमा  कम्तीमा १ सय १३ जनाको मृत्यु भएको पुष्टि भएको छ  । झडपमा घाइते भएका ३ सय भन्दा बढीलाई बोक्कोस, जोस लगायतका अस्पतालमा सारिएको छ। 

स्थानीय रेडक्रसको अस्थायी टोलीले भने बोक्कोस क्षेत्रका १८ गाउँमा १ सय ४ जनाको मृत्यु भएको  उल्लेख गरेको छ ।  संसद्का सदस्य डिक्सन चोलोमले बार्किन लाडी क्षेत्रका विभिन्न गाउँमा पनि कम्तीमा ५० जनाको मृत्यु भएको जानकारी दिनुभएको छ । 
 
पठारमा गत मे महिना यताकै सबैभन्दा हिंस्रक घटना हो ।  त्यसबेला पनि घटनामा किसान र गोठाला बीचको झडपमा १ सय भन्दा बढीको मृत्यु भएको थियो ।