काठमाडौँ । त्रिभुवन विश्वविद्यालयको रेक्टरमा प्रा.डा. खड्क केसी र रजिष्ट्रारमा प्रा.डा. केदार रिजाल नियुक्त हुनुभएको छ । त्रिविका उपकुलपति प्रा. डा. केशरजंग बरालले प्रधानमन्त्रीसमक्ष नियुक्तिका लागि यी नाम सिफारिस गर्नुभएको थियो । 

त्रिवि ऐन अनुसार रेक्टर र रजिष्ट्रार पदमा उपकुलपतिले सिफारिस गरेका व्यक्तिलाई कुलपति (प्रधानमन्त्री)ले नियुक्ति गर्नुपर्ने व्यवस्था छ ।

रजिष्ट्रारमा नियुक्त रिजाल वातावरण विज्ञान विभागका प्राध्यापक हुनुहुन्छ भने रेक्टरमा नियुत्त केसी त्रिविको अन्तर्राष्ट्रिय सम्बन्ध तथा कूटनीतिक विभागमा हुनुहुन्छ । 

त्रिविका उपकुलपति बरालले ६ चैतमा सूचना जारी गर्दै रजिष्ट्रार र रेक्टरका लागि इच्छुक प्राध्यापकहरूले सात दिनभित्र बायोडाटा बुझाउन अनुरोध गर्नुभएको थियो ।  त्यसपछि आएका निवेदनमध्येबाट बरालले केसी र रिजालको नाम प्रधानमन्त्री समक्ष नियुक्तिका लागि सिफारिस गर्नुभएको थियो ।