काठमाडौँ । नेपाल स्टक एक्सचेञ्ज (नेप्से) परिसूचक ओरालो लाग्नेक्रम जारी छ । नेप्से परिसूचक बुधबार पनि सामान्य अंकले घटेको छ । नेप्से परिसूचक आज ३ दशमलव ४३ प्रतिशतले घटेर २ हजार ६ दशमलव ७८ को बिन्दुमा अडिएको छ । 

बुधबार विभिन्न ३ सय २२ कम्पनीका ६४ लाख ८१ हजार ८ सय ३४ कित्ता शेयर,  ५२ हजार ६५ पटक खरिदबिक्री हुँदा २ अर्ब ५३ करोड ६२ लाख ३३ हजार ९ सय ८६ रुपैयाँको कारोबार भएको छ । जीवन बीमा समूह शून्य दशमलव ५०, लघुवित्त एक दशमलव ६५ र म्युचुअल फन्ड समूह शून्य दशमलव ३८ प्रतिशतले बढेका छन् । अरु सबै समूहको उपसूचक घटेको छ । सबैभन्दा धेरै उत्पादन तथा प्रशोधन समूह एक दशमलव ७४ र व्यापार समूह शून्य दशमलव ७४ प्रतिशतले घटेको छ । 

बैंकिङ शून्य दशमलव ३५, विकास बैंक शून्य दशमलव ६३, वित्त शून्य दशमलव ६३, होटल तथा पर्यटन शून्य दशमलव १८, जलविद्युत् शून्य दशमलव ३९, लगानी शून्य दशमलव १८, निर्जीवन बीमा शून्य दशमलव ०२ र अन्य समूह शून्य दशमलव २७ प्रतिशतले घटेका छन् ।

आजको कारोबारमा गुराँस लघुवित्त वित्तीय संस्था लिमिटेडको शेयर मूल्यमा सकारात्मक सर्किट लागेको छ ।  विन नेपाल लघुवित्त वित्तीय संस्था लिमिटेडको शेयर मूल्य ९ दशमलव ९७ र मानुषी लघुवित्त वित्तीय संस्था लिमिटेडको ९ दशमलव ९१ प्रतिशतले बढेको छ । सबैभन्दा धेरै रिभर फल्स पावर लिमिटेडको शेयर ४ दशमलव ४० र मन्दाकिनी हाइड्रोपावर लिमिटेडको ४ दशमलव ०८ प्रतिशतले घटेको छ ।

कारोबार रकम र कारोबार भएका शेयर सङ्ख्याका आधारमा सबैभन्दा धेरै सूर्यज्योति लाईफ इन्स्योरेन्स कम्पनी लिमिटेडको  २५ करोड ८० लाख ५९ हजार  सय १६ रुपैयाँ बराबरको चार लाख ९४ हजार ७ सय ४५ कित्ता शेयर किनबेच भएको छ ।