काठमाडौँ । नेकपा एमालेले इलाम क्षेत्र २ मा प्रनिनिधिसभा सदस्यको लागि सुहाङ नेम्वाङलाई उठाउने भएको छ । 

पूर्वसभामुख सुवास नेम्वाङको निधनपछि रिक्त रहेको इलाम २ मा वैशाख १५ गते उपनिर्वाचन हुँदैछ । एमालेले उपनिर्वाचनमा पूर्वसभामुख सुवासको कान्छा छोरा सुहाङलाई उम्मेदवार बनाउने निर्णय गरेको छ । 

एमालेको आइतबार बसेको केन्द्रीय सचिवालय बैठकले  इलाम २ मा  सुहाङर्ला उठाउने निर्णय गरेको हो । बैठकले सुहाङ नेम्वाङलाई उम्मेदवार चयन गरेको एमाले उपमहासचिव प्रदीप ज्ञवालीले जानकारी दिनुएको छ।

‘सिंगो पार्टी शक्ति उम्मेदवार विजयी गराउन केन्द्रित हुने र अरु पार्टीहरुलाई पनि हाम्रो उम्मेदवारलाई सहयोग गर्न अपील गर्ने निर्णय गरेको छ,’ उपमहासचिव ज्ञवालीले भन्नुभयो ।

पूर्वसभामुख सुवास नेम्वाङको भदौ  २५ गते निधन भएपछि त्यहाँ उपनिर्वाचन हुन लागेको हो ।