नेपालकैरन
काठमाडौँ । फ्रान्सका राष्ट्रपति इमानुएल म्याक्रोँले बिहीबार युक्रेनका भोलोदिमिर जेलेन्स्कीलगायत युरोपेली नेताहरूलाई रुससँगको सम्भावित युद्धविरामअघि युक्रेनको सुरक्षा बढाउने उद्देश्यले आयोजना गरिएको शिखर सम्मेलन शुरू भएको छ ।
तीन वर्षभन्दा लामो युद्ध अन्त्यका लागि युद्धविराममा सहमति भएपछि युरोपले युक्रेनलाई के कस्तो सुरक्षा प्रत्याभूति दिन सक्छ भन्नेबारे छलफल भइरहेको छ, जसमा ‘इच्छुक मुलुकहरूको गठबन्धन’ द्वारा सैन्य बलको सम्भावित तैनाथी पनि समावेश छ।
बेलायती प्रधानमन्त्री केइर स्टार्मर र इटालीकी जर्जिया मेलोनीसहित २७ राष्ट्रप्रमुख तथा सरकार प्रमुखको सहभागिता रहेको उक्त शिखर सम्मेलनमा केही घण्टा लामो छलफलपछि नेता म्याक्रोंले दिउँसो पत्रकार सम्मेलन गर्ने र अन्य नेताहरूले आ–आफ्नो ब्रिफिङ गर्ने अपेक्षा गरिएको थियो ।
नेटोको प्रमुख सदस्य राष्ट्र टर्कीए भने देशमा भएको विरोधप्रदर्शनका कारण जाँचको घेरामा छ, सम्मेलनमा टर्कीएको प्रतिनिधित्व उपराष्ट्रपति सेभडेट यिल्माजले गर्नुभएको छ ।
अमेरिकी राष्ट्रपति डोनाल्ड ट्रम्पले रुससँग ‘सिधा वार्ता’ गरेर विश्वलाई तरङ्गीत पारेपछि म्याक्रोँ र स्टार्मरले युक्रेनको सुरक्षाका लागि समन्वित युरोपेली प्रतिक्रिया सिर्जना गर्न नेतृत्व लिएका छन् । युक्रेनमा आक्रमण गरेको आरोपमा विभिन्न प्रतिबन्ध लगाइएका पुटिनसँग प्रत्यक्ष वार्ता हुनुलाई युरोपेली मुलुकले ‘आश्चर्य’ मानेका छन् ।
युक्रेनको आफ्नै सशस्त्र बललाई बढावा दिनुको साथै, सुरक्षा सुनिश्चित गर्ने र युरोपमा कुनै पनि थप रूसी आक्रमण रोक्नको लागि एक प्रमुख स्तम्भ युक्रेनमा युरोपेली सेना तैनाथ गर्न हुन सक्छ, यद्यपि यसको मोडालिटी स्पष्ट छैन।
स्टार्मरले भन्नुभयो– ‘संयुक्त राज्य अमेरिकाले युद्धविराम वार्ताको आयोजना गरेर अग्रणी भूमिका खेलिरहेको छ। राष्ट्रपति जेलेन्स्कीले बारम्बार आफ्नो प्रतिबद्धता प्रदर्शन गर्नुभएको छ, र युरोपले युक्रेनको भविष्यको रक्षाका लागि आफ्नो भूमिका खेल्न कदम चालिरहेको छ।’
स्टार्मरले अगाडि भन्नुभयो– ‘अहिलेसम्म रुसी राष्ट्रपति पुटिन शान्ति वार्तामा गम्भीर नदेखिएको र युक्रेनसँगको कुनै पनि युद्धविराममा उहाँको प्रतिबद्धता खोक्रो रहेको देखाएको छ ।’
शिखर सम्मेलनअघि म्याक्रों, स्टार्मर र जेलेन्स्कीले एलिसी प्यालेसमा त्रिपक्षीय वार्ता गरेका थिए । एजेन्सी
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- रवि लामिछाने र पूर्वडीआईजी छविलाल जोशीलाई थुन्न आदेश
- ‘गणतन्त्रको विकल्प राजतन्त्र हुन सक्दैन’
- नेपालसँगको सम्बन्धलाई ठूलो प्राथमिकता दिएका छौँः प्रधानमन्त्री मोदी
- जनमोर्चाले गणतन्त्र र राष्ट्रियता रक्षाको लागि अभियान थाल्ने
- भारतीय प्रधानमन्त्रीसँग राम्रो कुराकानी भयोः प्रधानमन्त्री ओली
- गृहमन्त्रीको राजीनामा माग गर्दै राप्रपाद्वारा प्रदर्शन
- ‘देश र जनताको सेवामा रातदिन खटिँदा पनि मलाई बर्खास्त गरियो’
- हावाको गतिले घटायो वायु प्रदूषण
- बैङ्कक सोचपत्र २०३० जारी गर्दै बिम्स्टेक शिखर सम्मेलन सम्पन्न
- जलवायु परिवर्तनले मानव जातिको अस्तित्वमा सङ्कट उत्पन्न गरेको छः प्रधानमन्त्री