काठमाडौँ । चर्चित क्रिकेट खेलाडी सन्दीप लामिछानेद्वारा बलात्कृत भएकी गौशाला २६ को तस्बिर सार्वजनिक गरेको आरोपमा एक जना पक्राउ परेका छन् । 

यौन दुर्व्यवहार प्रकरणमा पीडितको तस्बिर सार्वजनिक गर्न नपाइने कानुनी प्रावधान छ । पीडित गौशाला २६ को  तस्बिर सार्वजनिक गरेको आरोपमा संखुवासभाका ३२ वर्षीया केशरमान राई पक्राउ परेका हुन् । 

पीडित गौशाला २६ ले आफ्नो तस्बिर सार्वजनिक गर्नेहरुविरुद्ध उजुरी दिएकी थिइन् । राईलाई गौशाला प्रकरण्मा पक्राउ गरिएको प्रहरीको साइबर ब्यूरोका एसएसपी नविन्द अर्यालले जानकारी दिनुभएको छ । एसएसपी अर्यालका अनुसार राईलाई पक्राउ गरेर विद्युतीय अपराध ऐन अनुसारको कसूरमा अनुसन्धान गर्न ७ दिन म्याद थप समेत भएको छ ।

काठमाडौँ जिल्ला अदालतले क्रिकेट खेलाडी लामिछानेलाई गएको बुधबार ८ वर्ष वर्ष जेल सजाय र ५ लाख रुपैयाँ क्षतिपूर्ति पीडितलाई भराउने आदेश गरेको थियो । त्यसपछि लामिछानेका समर्थकहरुले पीडित गौशाला २६ भन्दै विभिन्न तस्बिर सार्वजनिक गर्न थालेका हुन् ।