सुनसरी ।  सशस्त्र प्रहरी बल ४ नम्बर गण सुनसरीले चालु आर्थिक वर्षको चार महिनामा १ करोड ६० लाख रुपैयाँ भन्दा बढी राजस्व सङ्कलन गरेको छ ।

सीमावर्ती क्षेत्रबाट हुने चोरी तस्करी नियन्त्रण अभियानअन्तर्गत जिल्लाको विभिन्न स्थानबाट  १ करोड ६० लाख रुपैयाँ भन्दा बढी राजस्व सङ्कलन गरेको सशस्त्र प्रहरी उपरीक्षक समेनन्द बज्राचार्यले जानकारी दिनुभएको छ ।

उहाँका अनुसार गत साउनमा ४७ लाख ३४ हजार चार सय ६९, भदौमा  ६१ लाख पाँच हजार पाँच सय दुई, असोजमा  ३२ लाख नौ हजार पाँच सय ३६ र कात्तिकको हालसम्म  १९ लाख ५३ हजार छ सय ३७ राजस्व सङ्कलन भएको हो ।

सीमा क्षेत्रमा हुने चोरीतस्करी नियन्त्रणका क्रममा विभिन्न किसिमका भन्सार छलीका सामग्री पक्राउ गरेर भन्सार कार्यालयमा बुझाउँदा सो बराबरको राजस्व सङ्कलन भएको प्रहरी उपरीक्षक बज्राचार्यले बताउनुभयो । 

उहाँका अनुसार सशस्त्र प्रहरी बल ४ नम्बर गण मातहत सुरक्षा पोष्ट र बिओपीबाट राजस्व सङ्कलन हो ।