काठमाडौँ । नेपाली कांग्रेसका महामन्त्री गगनकुमार थापाले बालकुमारी घटना भौतिक पूर्वाधार तथा यातायातमन्त्री प्रकाश ज्वालाको लापरबाहीका कारण भएको बताउनु भएको छ । 

आन्दोलनबारे थाहा हुँदाहुँदै पनि आन्दोलन भइरहेको बाटोबाट सवारी गर्नु मन्त्री ज्वालाको लापरबाही भएको महामन्त्री थापाको टिप्पणी छ । सोमवार बसेको राज्य व्यवस्था तथा सुशासन समितिको बैठकमा बोल्दै थापाले समितिले मन्त्रीको लापरबाहीलाई हेरेर आवश्यक निर्णय लिनुपर्ने धारणा राख्नुभयो । 

उहाँले लापरबाही गर्ने मन्त्रीलाई कारबाही हुनुपर्ने बताउनुभयो । श्रम मन्त्रालय र गृह मन्त्रालयको पनि कमजोरी रहेको थापाको भनाई छ ।  साउनदेखि उठेको इपिएसको विषय सरकारले समयमै सम्बोधन नगर्नु सरकारको लापरबाही भएको थापाले बताउनुभयो । 

उहाँले भन्नुभयो, ‘पर्सनल सेक्युरिटिज अफिसरहरुले सूचना लिइसक्दा पनि राज्य नेतृत्वले होइन होइन भनेर ठिक छ भन्यो भने त्यो बेलामा उसले रोक्दैन। त्यहाँ घटना हुँदैछ भन्ने थाहा पाउँदा पाउँदै यो जबरजस्ती हो। चरम लापरवाही हो, हेपेको हो। सामान्य व्यक्तिले गर्ने लापरवाहीले त कतिथोक व्यहोर्नुपर्छ। त्यत्रो ओहोदामा रहेको व्यक्तिले गरेको लापरबाहीले गर्दा यत्रो ठूलो दुर्घटना भयो। यो समितिले मन्त्रीको लपरबाही हेर्छ कि हेर्दैन ?