काठमाडौँ । नेकपा माओवादी केन्द्रका अध्यक्ष पुष्पकमल दाहाल लडेर घाइते भएपछि अस्पताल भर्ना हुनभुएको छ । अहिले उहाँको अवस्था सामान्य छ । घरमै लडेर घाइते हुनुभएका दाहाललाई गएराति करिब १२ बजेतिर मेडिसिटी अस्पताल पुर्‍याइएको थियो ।

आकस्मिक कक्षमा उपचारका क्रममा दाहालले बताएअनुसार उहाँ बाथरुम जाँदाखेरि अल्झिएर लड्नुभएको थियो । उहाँको टाउकोमा चोट लागेको छ। अस्पताल श्रोतका अनुसार उहाँको टाउकोमा तीन टाका लगाइएको छ।

उहाँको सिटीस्क्यान रिपोर्ट सामान्य छ । अहिले वार्डमा राखेर उपचार भइरहेको छ। "अब उहाँको अवस्था सामान्य छ । उहाँले बिहानै घर जान्छु भन्नुभएको हो, तर दिउँसोसम्म डिस्चार्ज हुनुहोला," अस्पताल स्रोतले भन्यो।

गएराति बाथरुममा चिप्लिएर दाहालको निधारमा सामान्य बाहिरी चोट लागेकोले अस्पताल भर्ना गरिएको छोरी गंगा दाहालले जानकारी दिनुभएको छ ।