जुम्ला ।  जुम्लाको गुठिचौर गाउँपालिकाले चालु आर्थिक वर्ष २०८० र ८१ को ११ महिनामा पुँजीगत खर्च ५१ दशमलव १६ प्रतिशत गरेको छ ।  पालिकाले त्यही आबमा  ३४ करोड ५५ लाख ७५ हजार रुपैयाँ विनियोजित बजेटमध्ये हालसम्म चालुतर्फ ६५ दशमलव ४७ प्रतिशत खर्च गरेको छ । 

समग्रमा ६० दशमलव १४ प्रतिशत खर्च भएको गाउँपालिकाका अध्यक्ष दानबहादुर बुढाले जानकारी दिनुभएको छ । चालु आर्थिक वर्षको कूल विनियोजित बजेटको ८८ दशमलव ३२ प्रतिशत खर्चहुने अनुमान गरिएको छ । उहाँले भन्नुभयो–  ‘त्यो आवमा गाउँपालिकाको आन्तरिक राजस्व १६ लाख सङ्कलन गर्ने लक्ष्य रहेकामा ११ लाख मात्र उठेको छ ।’ आर्थिक वर्ष २०८१ र ८२ मा पालिकाले १८ लाख रुपैयाँ आन्तरिक राजस्व सङ्कलन गर्ने लक्ष्य लिएको छ । 

महालेखापरीक्षकको कार्यालयले गत जेठ १३ गते सार्वजनिक गरेको ६१ औँ वार्षिक प्रतिवेदन अनुसार गुठिचौर गाउँपालिकाको लेखापरीक्षणबाट ५ करोड १ लाख ४४ हजार रुपैयाँ बेरुजु देखिएको छ ।