काठमाडौँ । राष्ट्रिय प्रजातन्त्र पार्टी (राप्रपा) नेता तथा कार्यकर्ता र प्रहरीबीच झडप भएको छ । 

गणतन्त्र खारेज गर्नुपर्नेसहित ४० बुँदे माग राखेर मंगलबार काठमाडौँमा प्रदर्शनमा उत्रिएका राप्रपाका नेता तथा कार्यकर्ताको जुलुश निषेधित क्षेत्रतर्फ अगाडि बढ्न खोजेपछि प्रहरीले त्यसलाई नियन्त्रण गर्ने क्रममा झडप भएको हो ।  

प्रदर्शनकारीले निषेधित छेत्र तोडेपछि प्रहरीले अश्रुग्यास र पानीको फोहोरा प्रहार गरेको थियो । भद्रकालीमा भएको झडपमा राप्रपाका १४ कार्यकर्ता घाइते भएका छन् ।  दुई जना पक्राउ परेका छन् ।  जुलुशमा प्रहरीमाथि ढुंगामुढा गर्ने २ जनालाई  नियन्त्रणमा लिइएको  काठमाडौं उपत्यका प्रहरी कार्यालयका एआइजी  दीपक थापाले जानकारी दिनुभएको छ ।

मंगलबारको प्रदर्शनको नेतृत्व पार्टी अध्यक्ष राजेन्द्र लिङ्देनले गर्नुभएको थियो । राप्रपाले गणतन्त्र खारेज गर्नुपर्ने, राजासहितको शासन व्यवस्था हुनुपर्ने, धर्मनिरपेक्षता खारेज गरी नेपाललाई हिन्दू राष्ट्र घोषणा गर्नुपर्ने लगायतका माग राख्दै आएको छ ।

सम्बन्धित समाचार...

राप्रपाको प्रदर्शनमा ४ हजार प्रहरी परिचालन