काठमाडौँ । पेट्रोलको भाउ लिटरमा ४ रुपैयाँ बढेको छ । नेपाल आयल निगमले आइतबार मध्यरातिदेखि लागू हुने गरी  पेट्रोलको भाउ बढाएको हो । पेट्रोलको मूल्य अब प्रतिलिटर १ सय ७५ पुगेको छ । 

निगमले  पेट्रोलको मूल्य भारतबाट प्रतिलिटर ४ रुपैयाँ ७६ पैसाले बढेर आएकाले नेपालमा पनि भाउ वृद्धि गरिएको जनाएको छ । 

निगमका अनुसार नयाँ मूल्य अनुसार  पेट्रोल पहिलो वर्गअन्तर्गत चारआली, विराटनगर, जनकपुर, भलवारी, नेपालगञ्ज, धनगढी र वीरगञ्जमा प्रतिलिटर  रुपैयाँ १ सय ७२ रुपैयाँ ५० पैसा पर्नेछ ।  दोस्रो वर्ग अन्तर्गतका सुर्खेत र दाङमा प्रतिलिटर १ सय ७४ रुपैयाँ तथा तेस्रो वर्ग अन्तरगत काठमाडौँ, पोखरा र दिपायलमा प्रतिलिटर १ सय ७५ रुपैयाँ पर्नेछ । 

निगमले अन्य पेट्रोलियम पदार्थको बिक्री मूल्य हाललाई यथावत् रहेको आइतबार प्रकाशित विज्ञप्तिमा जनाएको छ ।