पोखरा । नेकपा एमालेको कास्की जिल्ला कमिटी अधिवेशनमा गुटगत प्रतिस्पर्धा हुने भएको छ ।

एमाले गण्डकीमा पछिल्लो समय हरेक तहमा उपमहासचिव पृथ्वीसुब्बा गुरुङ र स्थायी कमिटी सदस्य खगराज अधिकारी गुटबीच प्रतिस्पर्धा हुँदै आएको छ । कास्की जिल्ला कमिटी अधिवेशनमा पनि त्यही प्रवृति देखिएको हो । 

अध्यक्षमा पृथ्वीसुब्बा समूहबाट माधव बास्तोलाले र खगराज समूहबाट बैनबहादुर अधिकारी क्षेत्रीले मनोनयन गर्दा गराउनुभएको छ ।  दुवै गुटभन्दा बाहिरबाट विवेक त्रिपाठीले उम्मेदवारी दिनुभएको छ । 

पृथ्वीसुब्बा समूहबाट अध्यक्षको दाबेदार बन्नुभएका बास्तोला युवा संघबाट राजनीतिमा सक्रिय हुनुभएको हो । खगराज पक्षबाट अध्यक्षमा उम्मेदवारी दिनुभएका वैनबहादुर यसअघिका जिल्ला सचिव हुनुहुन्थ्यो ।  

बास्तोला समूहबाट उपाध्यक्षमा शिव आचार्य, सचिवमा सुरेन्द्र गुरुङ र उपसचिवमा राधिका शाही योगी र सीता विकको उम्मेदवारी परेको छ । वैनबहादुर प्यानलबाट उपाध्यक्षमा भेषराज बराल, सचिवमा लेखबहादुर तामाङ (दर्शन लामा), उपसचिवमा सन्तु सुवेदी र लालबहादुर परियारको उम्मेदवारी परेको छ ।  

उपसचिवमै प्यानल बाहेकबाट संगीता सुवेदीले पनि उम्मेदवारी दिनुभएको छ ।