काठमाडौँ । कैलालीको चिसापानीस्थित कर्णाली पुलबाट एकैसाथ हाम फालेका १७ जनामध्ये एकजना बेपत्ता भएका छन् । बेपत्ता हुनेमा लम्कीचुहा नगरपालिका–३ चिसापानी बस्दै आएका ३० वर्षीय लोकेन्द्र शाही रहेका छन् ।

इलाका प्रहरी कार्यालय चिसापानीका एक प्रहरी अधिकृतका अनुसार सोमबार अपराह्न ४ बजेतिर होली खेल्दै आएको एक समूहले कर्णाली नदीमा हाम फालेको थियो । उनीहरू ड्युटीमा रहेका प्रहरी जवानको आग्रहलाई अटेर गरेर पुलमा गएका थिए ।

उनीहरूले शुरुमा होली खेलेर त्यसपछि मदिरा सेवन गरेका थिए । पछि उनीहरू कर्णाली पुलमा जान खोज्दा प्रहरीले रोकेको थियो । तर, उनीहरूले आफूहरू पुलमा घुम्न आएको र फोटो खिच्न जान लागेको बताएर प्रहरीको आग्रहलाई अटेर थिए । 

उनीहरूले दिउँसो मदिरा सेवन गरे । त्यसपछि फोटो खिच्ने भनेर पुलमा गए । ड्युटीमा रहेका प्रहरीलाई अटेर गरेर । अरू सबै बाहिर निस्किए । एकजना चाहिँ बाहिर निस्किएनन् ।