काठमाडौँ । सर्वोच्च अदालतले दुर्गा प्रसाईंको मेडिकल कलेजलाई सम्बन्धन दिन आदेश दिएको छ । सर्वोच्चले झापाको बिर्तामोडमा प्रसाईंले संचालन गरेको  बीएण्डसी मेडिकल कलेजलाई सम्बन्धन दिन आदेश जारी गरेको हो । 

मेडिकल व्यवसायी प्रसाईले काठमाडौँ विश्वविद्यालय, चिकित्सा शिक्षा आयोग लगायतका निकायलाई विपक्षी बनाई सर्वोच्च अदालतमा रिट निवेदन दर्ता गराउनुभएको थियो । सर्वोच्चले रिट सुनुवाई गर्दै आदेश जारी गरेको हो । न्यायाधीशद्वय डा कुमार चुडाँल र सारङ्गा सुवेदीको संयुक्त इजलासले प्रक्रिया पुर्‍याएको भए बीएण्डसी मेडिकल कलेजलाई सम्बन्धन दिन आदेश जारी गरेको हो ।

‘रिट निवेदनमा जे मागदावी थियो, अहिले इजलासले गरेको आदेश हेर्दा रिट जारी भएको देखिन्छ’, सर्वोच्चका प्रवक्ता वेदप्रसाद उप्रेतीले भन्नुभयो ‘आदेशको प्रति हामीले पाइसकेका छैनौँ । निवेदन बमोजिम रिट जारी भएको भनेकाले त्यही अर्थ लगाउन सकिन्छ । विस्तृत विवरण त संक्षिप्त आदेश वा फैसलाको पूर्णपाठ प्राप्त भएपछि थाहा होला ।’